Book Title: Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang
Author(s): Hiralal Hansraj
Publisher: Hiralal Hansraj
View full book text ________________
श्रीउत्तराध्ययनसूत्र-सोलमाध्ययनम्
लिपन्नत्ताओ धम्माओ भंसेजा। तम्हा खलु नो सदरूवरसगन्धफासाणुवादी भवेजा से निग्गन्थे। दसमे बम्भचेरसमाहिठाणे हवइ ।। १० । भवन्ति इन्थ सिलोगा तंजहाजं विवित्तमणाइणं, रहियं इत्थि जणेण य बम्भचेरस रक्खट्ठा, आलयं तु निवेसए ॥१॥ मणपल्हायजणणी, कामरागविवड्डणी। बम्भचेररओ भिक्खू, थीकहं तु विवजए ॥ २ ॥ समं च संथवं थीहिं, संकहं च अभिक्खणं । बम्भचेररओ भिक्खू, निच्चसो परिवजए ॥ ३ ॥ अंगपञ्चंगसंठाणं, चारुल्लवियपेहियं । बम्भचेररओ थीणं, चक्खुगिझं विवज्जए ॥ ४॥ कूड़यं रुइयं गीयं, हसियं थणियकन्दियं । बम्भचेररओ थीणं, सोयगेझं विवजए ॥५॥ हासं किडं रइं दप्पं, सहसावित्तासियाणि य । बम्भचेररओ थीणं, नाणुचिन्ते कयाइ वि ॥६॥ षणीयं भत्तपाणं तु, खिप्पं मयविवड्वणं । बम्भचेररओ भिक्खू, निच्चसो परिवजए ॥७॥ धम्मलद्धं मियं काले, जत्तत्थं पणिहाणवं । नाइमत्तं तु मुंजेजा, बम्भचेररओ सया ॥ ८॥ विभूसं परिवजेजा, सरीरपरिमण्डणं । बम्भचेररओ भिक्खू, सिंगारत्थं न धारए ॥९॥ सहे रूवे य गन्धे य, रसे फासे तहेवय । पंचविहे कामगुणे, निचसो परिषजए ॥१०॥ आलओ थीजणाइण्णो, थीकहा य मणोरमा । संथवो चेव नारीणं, तासिं इन्दियदरिसणं ॥ ११ ॥ कूइयं रुइयं गीयं, हासभुत्तासियाणि य । पणीयं भत्तपाणं च, अइमायं पाणभोयणं ॥ १२ ॥ गत्तभूसणमिटुं च, कामभोगा य दुजया । नरस्सत्तगवेसिस्स, विसं तालउडं जहा ॥ १३ ॥ दुजए कामभोगे य, निच्चसो परिवजए । संकाथाणाणि सवाणि, वजेजा पणिहाणवं ॥१४॥ घम्मारामरते चरे भिक्खू, धिइमं धम्मसारही । धम्मारामरते दन्ते, बम्मचेरसमाहिए ॥ १५ ॥ देवदाणवगन्धवा, जक्खरक्खसकिन्नरा । बम्भयारिं नमंसन्ति, दुक्करं जे करन्ति तं ॥ १६ ॥ एस धम्मे छुवे निच्चे, सासए जिणदेसिए। सिद्धा सिन्झन्ति चाणेण, सिज्झिस्सन्ति तहावरे ॥ १७ ॥
त्ति बेमि ।। इअ बम्भचेरसमाहिठाणा समत्ता ॥ १६ ॥
॥ अह पावसमणिज्जं सत्तदहं अज्झयणं ॥ जे केइ उ पवइए नियण्ठे, धम्म सुणित्ता विणओववन्ने । सुदुल्लहं लहिउं बोहिलामं, विहरेज पच्छा य जहासुहं तु ॥१॥ सेञ्जा दढा पाउरणम्मि अत्थि, उप्पज्जई भोत्तु तहेव पाउं ।।
जाणामि जं वट्टई आउसु त्ति, किं नाम कहामि सुएण भन्ते ॥ २ ॥ जे केई पवइए, निदामीले पगामसो । भोचा पेच्चा सुहं सुवइ, पावसमणि त्ति वुच्चई ॥३॥ आयरियउवज्झएहि, सुयं विणयं च गाहिए । ते चेव खिंसई बाले, पावसमणि त्ति बुच्चई ॥ ४ ॥ आयरियउवज्झागणं, सम्मं न पडितप्पइ । अप्पडिपूयए थद्धे पावसमणि त्ति वुच्चई ॥५॥ सम्महमाणो षाणाणि, वीयाणि हरियाणि य । असंजए संजयमन्नमाणी, पावसमणि त्ति वुच्चई ॥ ६ ॥ संथारं फलगं पीढं, निसजं पायकम्बलं । अप्पमञ्जियमारुहइ, पावसमणि त्ति बुञ्चई ॥७॥ दवदवस्स चरई, पमत्ते य अभिक्रवणं । उल्लंघणे य चण्डे य, पावसमणि त्ति वुच्चई ॥८॥
Loading... Page Navigation 1 ... 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 