Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang

Author(s): Hiralal Hansraj
Publisher: Hiralal Hansraj

Page 125

श्रीमुख विपाक-सूत्रम्
॥ श्री सुखविपाक-सूत्रम् ॥
तेणं कालेणं तेणं समएणं रायगिहे णयरे गुण सिलए चेइए सोहम्मे समोसढे जंबू जाव पज्जुवासमाणे एवं वयासी-जइ णं भंते ! समप्.णं भगवया महावीरेणं जाव संपत्तेणं दुह विवागाणं अयमद्वे पण्णत्ते सुहविवागाणं भंते ! समणेणं भगवया महावीरेणं जाव संपत्तेणं के अ8 पण्णत्ते ? तते णं से सुहम्मे अणगारे जंबू अणगारं एवं वयासी-एवं खलु जंब! समणेणं भगवया महावीरेणं जाव संपत्तेणं सुहविवागाणं दस अज्झयणा पण्णत्ता । तंजहा-सुबाहू १ भद्दनंदी य २, सुजाए य ३, सुवासवे ४। तहेव जिणदासे ५, धणपती य ६ महब्बले ७॥ १ ॥ भद्दनंदी ८ महचंदे ९ वरदत्ते १०॥
जइणं भंते ! समणेणं जाव संपत्तेणं सुहविवागाणं दस अज्झयणा पण्णत्ता पढमस्स णं भंते ! अज्झयणस्स सुहविवागाणं जाव के अढे पण्णत्ते ? तते णं से सुहम्मे अणगारे जंबू अणगारं एवं वयासी-एवं खलु जंबू ! तेणं कालेणं तेणं समएणं हथिसीसे णाम णयरे होत्था रिद्धिस्थिमियसमिद्धे तस्स णं हत्थिसीसस्स णगरस्स बहिया उत्तरपुरथिमे दिसीभाए एत्थ णं पुप्फकरंडए णामं उजाणे होत्था सव्वोउय. तत्थण कयवणमालपियस्स जक्खस्स जक्खाययणे होत्था दिव्वे०, तत्थ णं हत्थिसीसे णयरे अदीणसत्तू णामं राया होत्था महया० वण्णओ, तस्स णं अदीणसत्तस्स रण्णो धारिणीपामुख देवीसहस्सं ओरोहे यावि होत्था । तते णं सा धारिणी देवी अण्णया कयाइ तंसि तारिसगंसि वासघरंसि जाव सीहं सुमिणे पासइ जहा मेहस्स जम्मणं तहा भाणियव्वं । सुबाहुकुमारे जाव अलं भोगस्समत्थे यावि जाणंति, जाणित्ता अम्मापियरो पंच पासायवडिंसगसयाइं करावेंति, अब्भुग्गय० भवणं एवं जहा महाबलस्स रण्णो, णवरं पुप्फचूलापामोक्खाणं पंचण्हं रायवरकण्णयसयाणं एगदिवसेणं पाणिं गिण्हावेंति तहेव पंचसइओ दाओ जाव उप्पि पासायवरगए फुट्टमाणेहिं मुइंगमत्थएहिं जाव विहरइ । तेणं कालेणं तेणं समएण समणे भगवं महावीरे समोसढे, परिसा निग्गया, अदीणसत्तू जहा कूणिओ तहेव निग्गओ सुबाहू विजहा जमाली तहा रहेणं निग्गए जाव धम्मो कहिओ गया परिसा पडिगया। तण्णं से सुबाहुकुमारे समणस्स भगवओ महावीरस्स अंतिए धम्मं सोचा णिसम्म हट्ट तुट्ठ० उट्ठाए उष्टेति जाव एवं वयासी-सदहामि णं भंते ! णिग्गंथं पावयणं० जहा णं देवाणुप्पियाणं अंतिए बहवे राईसर जाव सत्थवाहप्पभिइओ मुंडे भवित्ता अगाराओ अणगारियं पवइया नो खलु अगहणं तहा संचाएमि मुंडे भवित्ता अगाराओ अणगारियं पबहत्तए अहण्णं देवाणुप्पियाणं अंतिए पंचाणुवइयं सत्तसिक्खावइयं दुवालसविहं गिहिधम्म पडिवजिस्सामि, अहासुहं देवाणुप्पिया! मा पडिबंधं करेह । ततेणं से सुबाहुकुमारे समणस्स भगवओ महावीरस्स अंतिए पंचाणुव्वइय सत्त सिक्खावइयं दुवालसविहं गिहिधम्म पडिवजति पडिवजित्ता तमेव चाउग्घंटं आसरहं दुरूहति जामे व दिसं पाउन्भूए तामेवदिसं पडिगए । तेणं कालेणं तेणं समएणं समणस्स भगवओ महावीरस्स जेटे अंतेवासी इंदभूई नामं अणगारे जाव एवं वयासी-अहो णं भंते ! सुबाहुकुमारे इढे इहरूवे कंते २ पिए २ मणुण्णे २ मणामे २ सोमे सुभगे पियदसणे सुरूवे