Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang

Author(s): Hiralal Hansraj
Publisher: Hiralal Hansraj

Page 124

(१२०)
श्रीजैनसिद्धान्त-खाध्यायमाला. उववाई सूतं
( बावीस गाथा ) कहिं पडिहया सिद्धा? कहिं सिद्धा पइट्ठिया । कहिं बोंदि चइत्ता णं, कत्थ गंतूण सिज्झई ॥१॥ अलोगे पडिहया सिद्धा, लोयग्गे य पडिट्ठिया । इहबोंदि चइत्ता णं, तत्थ गंतूण सिज्झई ? ॥२॥ जं संठाणं तु इहं भवं चयं तस्स चरिमसमयंमि । आसी य पएसघणं तं संठाणं तहिं तस्स ॥३॥ दीहं वा हस्सं वा जं चरिमभवे हवेज संठाणं । तत्तो तिभागहीणं सिद्धाणोगाहणा भणिया ॥४॥ तिणि सया तेत्तीसाधणुत्तिभागो य होइ बोधवा । एसा खलु सिद्धाणं उक्कोसोगाहणा भणिया ॥५॥ चत्तारि य रयणीओ रयणिति भागूणिया य बोधवा। एसा खलु सिद्धाणं मज्झिमओगाहणा भणिया ॥६॥ एक्का य होइ रयणी साहीवा अंगुलाइ कट्ट भवे । एसा खलु सिद्धाण जहण्णओगाहणा भणिया ॥ ७ ॥ ओगाहणाए सिद्धा भवतिभागेण होइ परिहीणा । संठाणमणित्थंथं जरामरणविप्पमुक्काणं ॥ ८॥ जत्थ य एगोसिद्धो तत्थ अणंता भवक्खयविमुक्का । अण्णोण्णसमोगाढा पुट्ठा सव्वे य लोगंते ॥९॥ फुसइ अणते सिद्धे सव्वपएसेहि णियमसा सिद्धो । ते चि असंखेज्जागुणा देसपएसेहिं जे पुट्टा ॥१०॥ असरीरा जीवघणा उवउत्ता सणे य णाणे य । सागारमणागार लक्खणमेयं तु सिद्धाणं ॥ ११ ॥ केवलणाणुवउत्ता जाणंहि सव्वभावगुणभावे । पासंति सचओ खलु केवलदिट्ठीअणताहि ॥ १२ ॥ णवि अत्थि माणुसाणं तं सोक्खं णविय सव्वदेवाणं । जं सिद्धाणं सोक्खं अध्वाबाहं उवगयाणं॥१३॥ जं देवाणं सोक्खं सव्वद्धापिडियं अणंतगुणं । ण य पावइ मुत्तिसुहं गंताहिं वग्गवग्गूहि ॥ १४ ॥ सिद्धस्स सुहो रासो सव्वद्धापिंडिओ जइ हवेजा । सोणतवग्गभइओ सव्वागासे ण माएज्जा ॥१५॥ जह णाम कोइ मिच्छो णगरगुणे वहुविहे वियाणंतो। ण चएइ परिकहेउं उवमाए तहिं असंतीए॥१६॥ इय सिद्धाणं सोक्खं अणोवमं णत्थि तस्स ओवम्मं । किंचि विसेसेणेत्तो ओवम्ममि गं सुणह वोच्छं।।१७।। जह सव्वकामगुणियं पुरिसो भोत्तूण भोयणं कोई । तण्हाछुहाविमुको अच्छेन्ज जहाअमियतित्तो॥१८॥ इय सव्वकालतित्ता अतुलं निव्वाणमुवगया सिद्धा । सासयमबाबाहं चिटुंति मुही सुहं पत्ता॥१९॥ सिद्धत्ति य कुद्धत्ति य पारगयत्ति य परंपरगयत्ति । उम्मुक्तकम्मकत्रया अजरा अमरा असंगा य॥२०॥ णिच्छिण्णसव्वदुक्खा जाइजरामरणबंधणविमुक्का । अव्याबाहं सुक्खं अणुहोंती सासयं सिद्धा।॥२१॥ अतुलसुहसागरगया अव्वाबाहं अणोवमं पत्ता । सचमणागयमद्धं चिट्ठति सुहं पत्ता ॥ २२ ॥
॥ उववाइ उवंगं समत्तं ॥
भं भवतु ।