Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang

Author(s): Hiralal Hansraj
Publisher: Hiralal Hansraj

Page 92

1-खाध्यायमाला.
सिणाणं अदुवा ककं, लुद्धं पउमगाणि अ। गायस्सुबट्टणट्ठाए, नायरंति कयाइ वि ॥ ६४ ॥ नगिणस्स वावि मुंडस्स, दीहरोमनहसिणो। मेहुणाओ उवसंतस्स, किं विभूसाय कारिजं ॥६५॥ विभूसावत्ति भिक्खू , कम्मं बंधइ चिक्कणं । संसारसायरे घोरे, जेणं पडइ दुरुत्तरे ॥ ६६ ॥ विभूसावति चेअं, बुद्धा मनति तारिसं । सावजं बहुलं चेअं, नेयं ताईहि सेविअं ॥ ६७ ।।
खवंति अप्पाणममोहदंसिणो, तवे. रया संजम अजवे गुणे । धुणंति पावाइं. पुरेकडाइं नवाई पावाई न ते करंति ॥ ॥६८ ॥ सओवसंता अममा अकिंचणा, सविजविजाणुगया जसंसिणो। उउप्पसन्ने विमले व चंदिमा। सिद्धि विमाणाइ उवेंति (वयंति) ताइणो ॥ ६९ ॥ त्ति बेमि ॥ इअ छठें धम्मत्थकामज्झयणं समत्तं ॥ ६॥
॥ अह सुबकसुद्धी णाम सत्तमं अज्झयणं ॥ चउण्हं खलु भासाणं, परिसंखाय पन्नवं । दुण्हं तु विणयं सिक्खे, दा न भासिज्ज सबसो ॥ १॥ जा अ सच्चा अवत्तवा, सच्चामोसा अजा मुसा। जा अ बुद्धेहिं नाइन्ना, न तं भासिज पन्नवं ॥ २ ॥ असच्चमोसं सच्चं च, अणवज्जमककसं । समुप्पेहमसंदिद्धं गिरं भासिज्ज पनवं ॥ ३ ॥ एयं च अट्ठमन्नवा, जंतु नामेइ सासयं । स भासं सच्चमोसं च पि तं (पि) धीरो विवज्जए ॥ ४ ॥ वितहं पि तहामुत्ति, जं गिरं भासओ नरो । वम्हा सो पुट्ठो पावेणं, किं पुण जो मुसं वए ॥५॥
तम्हा गच्छामो वक्खामो, अमुगं वा णे भविस्सइ ।
अहं वा णं करिस्सामि, एसो वा णं करिस्सइ ।। एवमाइ उ जा भासा, एसकालम्मि संकिआ । संपयाइअमढे वा, तं पि धीरो विवज्जए ॥ ७॥ अईअम्मि अ कालम्मि, पच्चुप्पण्णमणागए । जमढे तु न जाणिज्जा, एवमेअं ति नो वए ॥ ८॥ अईअम्मि अ कालम्मि, पच्चुप्पण्णमणागए । जत्थ संका भवे तं तु, एवमेअं तु नो वए ॥ ९ ॥ अईअम्मि य कालम्मि, पच्चुप्पणमणागए । निस्संकिअं भवे जे तु, एवमेअं तु निदिसे ॥ १० ॥ तहेव फरसा भासा, गुरुभूओवघाइणी । सच्चा वि सा न वत्तवा, जओ पावस्स आगमो॥११॥ तहेव काणं काण त्ति, पंडगं पंडगत्ति वा । वाहिअंवा वि रोगि ति, तेणं चोरे ति नो वए ॥ १२ ॥ एएणन्नेण अटेणं, परो जेणुवहम्मइ । आयारभावदोसन्नू, न तं भासिज्ज पण्णवं ॥ १३ ॥ तहेव होले गोलि त्ति, साणे वा वसुलि त्ति अ। दमए दुहए वा वि, नेवं भासिज्ज पण्णवं ॥ १४ ॥
अज्जिए पज्जिए वा वि, अम्मो माउस्सिअ त्ति अ। पिउस्सिए भायणिज्ज त्ति, धूए णत्तुणिअ त्ति अ॥ हले हलित्ति अन्नि ति, भट्टे सामिणि गोमिणि ।
होले गोले वसुलि ति, इत्थिअं नेवमालवे ॥ ॥१६॥ णामधिज्जेण णं बूआ, इत्थीगुत्तेण वा पुणो।जहारिहमभिगिज्झ, आलविज्ज लविज्ज वा ॥ १७॥