Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang

Author(s): Hiralal Hansraj
Publisher: Hiralal Hansraj

Page 112

(१०८)
श्रीजैनसिद्धान्त-स्वाध्यायमाला. भरनित्थरणसमत्था, तिवग्गसुत्तत्थगहियपेयाला । उभओलोगफलवई, विणयसमुत्था हवइ बुद्धी ।। ७३ ॥ निमित्ते १ अत्थसत्थे य २. लेहे ३ गणिए य कूव ५ अस्से ६ य । गद्दभ ७ लक्षण ८ गंठी ९, अगए १० रहिए ११ य गणिया १२ य ।। ७४ । सीया साडी दीहं, च तणं अवसव्वयं च कुंचस्स १३ निव्वोदए १४ य गोणे, घोडगपडणं च रुक्खाओ १५ ॥ ७५ ॥ उवओगदिट्ठसारा, कम्मपसंगपरिघोलणविसाला । साहुक्कारफलवई, कम्मसमुत्था हवइ बुद्धी ॥ ७६ ॥ हेर. ण्णिए १ करिसए २, कोलिय ३ डोवे ४ य मुत्ति ५ घय ६ पवए ७ तुनाए ८ वड्डइय ९ पूयइ १० घड ११ चित्तकारे १२ य ॥ ७७ ।। अणुमाणहेउदिटुंतसाहिया वयविवागपरिणामा । हियनिस्सेयसफलवई, बुद्धी परिणामिया नाम ॥ ७८ ॥ अभए १ सिद्धि कुमारे, ३, देवी ४ उदिओदए हवइ राया ५ साहू य नंदिसेणे ६, धणदत्ते ७ सावग ८ अमच्चे ९ ।। ७९ ॥ खमए १० अमच्चपुत्ते ११, चाणक्के १२ चेव थूलभद्दे १३ य। नासिकसुंदरिनंदे १४ वइरे परिणामिया बुद्धी ८०॥ चलणाहण १६ आभंडे १७, मणी १८ य सप्पे १९ य खग्गि २० थूभिंदे २१ । परिणामियबुद्धीए, एवमाई उदाहरणा ॥ ८१ ॥ सेत्तं अस्सुयनिस्सियं । से किं तं सुयनिस्सियं ? सुयनिस्सियं चरविहं पण्णत्तं, तंजहा-उग्गहे १ ईहा २ अवाओ ३ धारणा ४ ॥ सू० ।। २६ ॥ से किं तं उग्गहे ? दुविहे पणते, तंजहा-अत्थुग्गहे य वंजणुग्गहे य, ।। सू० ॥ २७ ॥ से किं तं वंजणुग्गहे ? वंजणुग्गहे चउबिहे पण्णत्ते, तंजहा-सोइंदियवजणुग्गहे, घाणिंदियवंजणुग्गहे जिभिदियवंजणुग्गहे फासिंदिरवंजणुग्गहे, से सं वंजणुग्गहे ॥ सू० ॥ ॥ २८ ॥ से. किं तं अत्थुग्गहे ? अत्थुग्गहे छविहे पण्णत्ते, तंजहा-सोइंदियअत्थुग्गहे, चक्खिदियअत्युग्गहे, घाणिंदियअत्थुग्गहे, जिभिदियअत्थुग्गहे, फासिंदियअत्थुग्गहे, नोइंदियअत्थुग्गहे ॥ सू० ।। ॥ २९ ॥ तस्स णं इमे एगढिया नाणाघोसा नाणावंजणा पंच नामधिज्जा भवंति, तंजहाओगेण्हया, उवधारणया, सवणया, अवलंबणया, मेहा, से तं उग्गहे ॥ सू० ॥ ३० ॥ से किं तं ईहा ? छविहा पण्णत्ता, तंजहा-सोइंदियईहा, चक्खिदियईहा, घाणिंदियईहा, जिभिदियईहा, फासिंदियईहा, नोइंदियईहा, तीसेणं इमे एगट्ठिया नाणाघोसा नाणा वंजणा पंच नामधिज्जा भवंति, तंजहा-आभोगणया, मग्गणया, गवेसणया, चिंता, वीमंसा, से तं ईहा ।। सू० ॥ ३१ ॥ से कि तं अवाए ? अवाए छविहे पण्णत्ते, तंजहा-सोइंदियअवाए, चक्खि दियअवाए, घाणिदियमवाए जिभिदियअवाए, फासिंदियअवाए, नोइंदियअवाए, तस्स णं इमे एगढिया नाणाघोसा नाणावंजणा पंच नामधिज्जा भवन्ति, तंजहा-आउट्टणया, पञ्चाउट्टणया, अवाए, बुद्धी, विण्णाणे, से तं अवाए ॥ सू० ३२ ॥ से किं तं धारणा ? धारणा छबिहा पण्णत्ता, तंजहा-सोइंदियधारणा, चक्खिदियधारणा, घाणिदियधारणा, जिभिदियधारणा, फासिंदियधारणा, नोइंदियधारणा, तीसे णं इमे एगट्ठिया नाणाघोसा नाणावंजणा पंच नामधिजा भवंति, तंजहा-धरणा, धारणा, ठवणा, पइट्ठा, कोडे, से तं धारणा ।। सू० ।। ३३ ॥ उग्गहे इक्कसमइए, अंतोमुहुत्तिया ईहा, अंतोमुहुत्तिए अवा ए, धारणा संखेनं वा कालं असंखेजं वा कालं ॥ सू० ॥ ३४ ॥ एवं अट्ठावीसइविहस्स आभिणिबोहियनाणस्स वंजणुग्गहस्स परूवणं करिस्सामि पडिबोहगदिढ़तेण मल्लगदिटुंतेण । से किं तं पडिबोहगदिटुंणं? पडिबोहगदिद्वंतेणंसे जहानामए केइ पुरिसे कंचि पुरिसं सुत्तं पडिबोहिन्जा,