Book Title: Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang
Author(s): Hiralal Hansraj
Publisher: Hiralal Hansraj
View full book text ________________
(७६)
श्रीजैनसिद्धान्त-स्वाध्यायमाला
॥ अह खुड्डयायारकहा तइमं अज्झयणं ॥ संजमे सुद्विअप्पाणं, विप्पमुक्काण ताइणं । तेसिमेयमणाइण्णं, निग्गंथाण महेसिणं ॥१॥ उद्देसियं कीयगडं, नियागमभिहडाणि य । राइभत्ते सिणाणे य, गंधमल्ले य वोयणे ॥२॥ संनिही गिहिमत्ते य, रायपिंडे किमिच्छए। संवाहणा दंतपहोयणा य, संपुच्छणा देहपलोयणा य ॥ ३ ॥ अट्ठावए य नालीए, छत्तस्स य धारणट्ठाए । तेगिच्छं पाहणापाए, समारंभं च जोइणो॥४॥ सिज्जायरपिंडं च, आसंदीपलियंकए। गिहतरनिसिज्जा य, गायस्सुबट्टणाणि य ॥ ५॥ गिहिणो वेआवडियं, जा य आजीववत्तिया। तत्तानिव्वुडभोइत्तं, आउरस्सरणाणि य ॥ ६॥ मूलए सिंगबेरे य, उच्छुखंडे अनिव्वुडे । कंदे मूले य सचित्त, फले बीए य आमए ॥ ७॥ सोवच्चले सिंघवे लोणे, रोमालोणे य आमए । समुद्दे पंसुखारे य, कालालोणे य आमए ॥ ८॥ धुवणे ति वमणे य, वत्थीकम्भविरेयणे । अंजणे दंतवणे य, गायभंगविभूसणे ॥ ९॥ सवमेयमणाइन्नं; निग्गंथाण महेसिणं । संजमम्मि अ जुत्ताणं, लहुभूयविहारिणं ॥ १० ॥ पंचासवपरिणाया, तिगुत्ता छसु संजया । पंचनिग्गहणा धीरा, निग्गंथा उज्जुदंसिणो ॥ ११॥ आयावयंति गिम्हेसु, हेमंतेसु अवाउडा । वासासु पडिसलीणा, सजया सुसमाहिया ॥ १२ ॥ परीसहरिऊदंता, धूअमोहा जिइंदिया। सवदुक्खपहीणट्ठा, पक्कमन्ति महेसिणो ॥ १३ ॥ दुक्कराइं करित्ताणं, दुस्सहाई सहित्तु य । केइत्थ देवलोएसु, केइ सिज्झन्ति नीरया ॥ १४ ॥ खवित्ता पुवकम्माइं, सज्जमेण तवेण य । सिद्धिमग्गमणुप्पत्ता, ताइणो परिणिचुडे ॥ ॥ १५॥
त्ति बेमि || इअ खड़यायारकहा नाम तइयमज्गयणं ।।
॥ अह छज्जीवणियानामं चउत्थं अज्झयणं ॥ सुझं मे आउसंतेणं भगवया एवमक्खायं, इह खलु छज्जीवणिया नामज्झयणं समणेणं भग. वया महावीरेणं कासवेणं पवेइया सुअक्खाया सुपनत्ता सेअं मे अहिजिउं अज्झयणं धम्मपण्णत्ती ॥१॥ कयरा खलु साछज्जीवणिया नामज्झयणं समणेणं भगवया महावीरेणं कासवेणं पवेइया सुअक्खाया सुपन्नत्ता सेअं मे अहिजिउं अज्झयणं धम्मपण्णत्ती ॥ २॥ इमा खलु सा छज्जीवणिया नामज्झयणं समणेणं भगवया महावीरेणं कासवेणं पवेइया सुअक्खाया सुपन्नत्ता सेअं मे अहिजिउं अज्झयणं धम्मपन्नत्ती ॥ तंजहा-पुढविकाइया १, आउकाइया २, तेउकाइया ३, वाउकाइया ४, वणस्सइकाइया ५, तसकाइया ६ । पुढवी चित्तमंतमक्खाया अणेगजीवा पुढोसत्ता अन्नत्थ सत्थपरिणएणं । आऊ चित्तमंतमक्खाया अणेगजीवा पुढोसत्ता अन्नत्थ सत्थपरिणएणं । वाऊ चित्तमंत. मक्खाया अणेगजीवा पुढोसत्ता अन्नत्थ सत्थपरिणएणं । वाऊ चित्तमंतमक्खाया अणेगजीवा पुढो. सत्ता अन्नत्थपरिणएणं । वणस्सई चित्तमंतमक्खाया अणेगजीवा पुढोसता अनत्थ सत्थपरिणएण तंजहा–अग्गवीया, मूलवीया, पोरबीया, खंधवीया, बीयरुहा, संमुच्छिमा, तणलया, वणस्सइका. इया, सबीया चित्तमंतमक्खाया अणेगजीवा पुढोसत्ता अन्नत्थ सत्थपरिणएणं । से जे पुण इमे
Loading... Page Navigation 1 ... 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 