Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang

Author(s): Hiralal Hansraj
Publisher: Hiralal Hansraj

Page 39

श्रीउत्तराध्ययनसूत्र-विसमाध्ययनम्
कुसीललिंग इह धारइत्ता, इसिज्झयं जीविय बृहइत्ता । असंजए संजयलप्पमाणे, विणिग्यायमागच्छइ से चिरंपि ॥ ४३ ॥ विसं तु पीयं जह कालकूडं, हणाइ सत्थं जह कुग्गहीयं ।। एसो वि धम्मो विसओववन्नो, हणाइ वेयाल इवाविवन्नो ॥ ४४ ॥ जे लक्खणं सुविण पउंजमाणे, निमित्तकोऊहलसंपगाढे । कुहेडविजासवदारजीवी, न गच्छई सरणं तम्मि काले ॥ ४५ ॥ तमं तमेणेव उ से असीले, सया दुही विपरियामुवेइ । संधावई नरगतिरिक्खजोणिं, मोणं विराहेत्तु असाहुरूवे ।। ४६ ॥ उद्देसियं कीयगडं नियागं, न मुंच्चई किं च अणेसणिज । अग्गी विवा सबभक्खी भवित्ता, इत्तोचुए गच्छइ कटु पावं ।। ४७ ॥ न तं अरी कंठछेत्ता करेइ, जं से करे अप्पणिया दुरप्पया। से नाहइ मच्चुमुहं तु पत्ते, पच्छामितावेण दयाविहूणो ॥ ४८ ।। निरट्ठिया नग्गरुई उ तस्स, जे उत्तम विवज्जासमेइ। इमे वि से नत्थि परे वि लोए, दुहओ वि से भिजइ तत्थ लोए ।। ४९ ॥ एमेव हा छन्दकुसीलरूवे, मग्गं विराहेत्तु जिणुत्तमाणं । कुररी विवा भोगरसाणुगिद्धा, निरसोया परियासमेइ ॥ ५० ॥ सोचाण मेहावि सुभासियं इमं, अणुसासणं नाणगुणोववेयं । मग्गं कुसीलाण जहाय सवं, महानियण्ठाण वए पहेण ॥ ५१॥ चरित्तमायारगुणन्निए तओ, अणुत्तरं संजम पालियाण । निरासवे संखवियाण कम्मं, उवेइ ठाणं विउलुत्तमं धुवं ॥५२॥ एवुग्गदन्ते वि महातवोधणे, महामुणी महापइन्ने महायसे ।। महानियण्ठिज्जमिणं महासुयं, से कहेई महया वित्थरेणं ॥ ५३ ॥ तुट्ठो य. सेणिओ राया, इणमुदाहु कयंजली । अणाहत्तं जहाभूयं, मुटु मे उवदंसियं ॥ ५४ ॥ तुझं सुलद्धं खु मणुस्स जम्म, लाभा सुलद्धा य तुमे महेसी ।। तुब्भे सणाहा य सबन्धवा य, जं भेठिया मग्गे जिणुत्तमाणं ॥ ५५ ॥ तं सि नाहो अणाहाणं, सवभूयाण संजया । खामेमि ते महाभाग, इच्छामि अणुसासिउं ।। ५६ ॥ पुच्छिऊण मए तुभं, आणविग्घाओ जो कओ। निमन्तिया य भोगेहि, तं सत्वं मरिसेहि मे । ५७ ॥ एवं थुणित्ताण स रायसीहो, अणगारसीहं परमाइ भत्तीए । सओरोहो सपरियणो सबन्धवो,धम्माणुरत्तो विमलेण चेयसा ॥५८ ॥ ऊससियरोमकूवो, काऊण य पयाहिणं ।