________________
( સંસ્કાર (૫) કેટલા વર્ષ જીવ્યા તે અગત્યનું નથી, પણ જીવનમાં સત્કાર્ય, પરોપકાર અને આત્મશુદ્ધિ કેટલાં પ્રાપ્ત કર્યા તે અગત્યનું છે.
(૬) આજકાલના શહેરી જીવનમાં આપણા નિવાસસ્થાનની આજુબાજુમાં ક્યાંક ને ક્યાંક તો ઝુપડપટ્ટી અથવા દરિદ્ર મનુષ્યોનાં આવાસ હોય છે. અઠવાડિયામાં રવિવારે કે રજાના દિવસે ત્યાં જઈને મમરા, સીંગ, બીસ્કીટ, પૌઆ વગેરે કોઈ પ્રકારની ખાદ્ય સામગ્રી વહેંચીએ તો આપણામાં અનુકંપાનો ગુણ વિકસિત થાય. તેવી જ રીતે હૉસ્પિટલમાં ગરીબ દર્દીઓને ફળ આદિની વહેંચણી અથવા તેમની સેવામાં રહેનાર સગાંઓને ભોજનની વ્યવસ્થામાં સહાયક થવાની પ્રવૃત્તિ એ પણ સેવાનો અનુકરણીય પ્રકાર છે.
અવારનવાર આપણે ઘેર કંઈક કંઈક સારા પ્રસંગો ઉજવાતા હોય છે. આવા પ્રસંગોમાં ઘણીવાર રાંધેલું ભોજન વધતું હોય છે. આવું રાંધેલું ભોજન જુદા જુદા પ્રકારની સેવા કરતી સંસ્થાઓમાં તુરત જ મોકલીએ તો તે ભોજન સામગ્રી નકામી ન જાય અને તેનો સદુપયોગ થઈ જાય.
(૭) આપણા દેશમાં તથા દુનિયાના અન્ય ભાગોમાં અવારનવાર વિવિધ પ્રકારની કુદરતી તેમ જ માનવજન્ય આફતો બનતી જ રહે છે. ક્યાંક પૂર આવે છે તો ક્યાંક વાવાઝોડાતોફાન. વળી ધરતીકંપ આદિ મોટા ઉત્પાતો પણ સર્જાય છે, જેમાં હજારો હજારો લોકો બેઘર બની જાય છે, તેમ જ ઇજાગ્રસ્ત બને છે. ક્યાંક જ્વાળામુખી ફાટે છે તો ક્યાંક વિજળી પડે છે. આ ઉપરાંત વિજ્ઞાનના આ જમાનામાં માનવસર્જિત આફતો પણ કંઈ ઓછી નથી. નાનામોટા યુદ્ધોમાં સેંકડો મરે છે અને નિરાશ્રિતો
v s-૨૦
Jain Education International
For Private & Personal Use Only
www.jainelibrary.org
