________________
‘તો પ્રગટે શુભ વાસના, ગુણ અનુભવકી જોડ...’ મહત્ત્વનો શબ્દ છે અહીં વાસના. શુભમાં વેગ આવવો જોઈએ. શુભમાં મન લીન બની જવું જોઈએ. ભક્તની વ્યાખ્યા આપતાં, એટલે જ, ભક્તિસૂત્રમાં નારદ ઋષિ કહે છે ઃ ‘તન્મયાઃ’... તેમાં ડૂબેલ હોય, તે ભક્ત. હું અને તું-માં ડૂબેલ આપણે... નારદ ઋષિ કહે છે : હવે ‘તે'માં ડૂબો. તે એટલે પરમાત્મા...
શુભમાં વેગ આવ્યો કે શુદ્ધને સ્પર્શશે. શુભના રન-વે પર ચેતનાનું વિમાન દોડે અને શુદ્ઘના આકાશમાં છલાંગે...
શુભમાં છે સાધનાની લંબાઈ અને પહોળાઈ : સ્વાધ્યાય અને અનુષ્ઠાનો. શુદ્ધમાં છે ઊંડાણ ઃ આત્માનુભૂતિ.
‘તો પ્રગટે શુભ વાસના, ગુણ અનુભવકી જોડ. . .’
શુભ બહુ જ મજાનું આપણી પરંપરામાં છે. મઝાનાં અનુષ્ઠાનો. મઝાનો સ્વાધ્યાય... હવે એમાં તન્મયતા ઉમેરવી છે. ‘જ્ઞાનસાર’ કે ‘યોગસાર’ની એકાદ પંક્તિ પકડી... અને એને લૂંટીએ. આ ઘૂંટામણ સ્વાધ્યાયને અનુપ્રેક્ષાની મઝાની પાંખ આપશે. જેમ કે, યોગસારનો આ શ્લોકાર્ધ ઘૂંટીએ ઃ ‘આશા તુ નિર્મતં પિત્ત, તંત્યં ટિોપમમ્...' ચિત્તને એકદમ નિર્મળ બનાવવું તે પ્રભુની આજ્ઞા... ચિત્ત તન્ત્રનો પૂરેપૂરો કબજો આ વાક્ય લઈ લે એ રીતે આ વાક્યને ઘૂંટવું છે. પરિણામ હશે ભીતરી નિર્મળતા. શુભનો વેગ શુદ્ધમાં પરિણમ્યો.
સમય શતક | "
