________________
દુર્ગતિમાં ભટકશે. સંસારમાં તો આવું ઘણું જતું કરવું પડતું હોય છે. ડગલે ને પગલે બાંધ છોડ કરો તો જ તમારો સંસાર સુખમય ચાલે. કોઈ વ્યક્તિ આપણા માટે કાંઈક બોલે ત્યારે આપણે વિચારીએ કે આમ કેમ બોલ્યો, તેની ખબર પાડી દઉં ? તેના બદલે ભલે બોલ્યો... આપણે કોઈનું સારું જ કરવું છે ને ? વાતને કેવી રીતે વાળવી તે આપણા જ હાથની વાત છે. આ ચાર ભાવના આવે તો જ આપણે અહિંસાને સારી રીતે સિદ્ધ કરી શકીએ.
ન બોલવામાં નવ ગુણ.... જો તમે કાંઈ ન બોલો તો તમારા વ્યક્તિત્વ પરથી તમે આ વિશ્વની કોઈ વિભૂતિ હશો એવું કોઈ અનુમાન કરે...! પણ જો તમે તમારી ઓળખાણ આપવા જાવ કે હું ડોકટર છું, તો નક્કી થઈ જાય કે તમે ડોકટર સિવાય (વકીલ, પ્રોફેસર... વગેરે) કંઈ નથી અને હજી વધુ ઓળખાણ કરાવવા જાવ કે આંખનો સ્પેશ્યાલીસ્ટ છું એટલે ડોકટરમાં પણ તમે આંખ સિવાય બીજું કંઈ જાણતા નથી એ નક્કી થઈ જાય. જેમ-જેમ તમારી ઓળખાણ વાણીથી કરાવતા જાવ તેમ-તેમ તમે નાના-નાના થતા જશો. તમારા અંગેની બીજી ઘણી ભ્રમણાઓ ભાંગી જશે. માટે જ ન બોલવામાં નવ ગુણ કહ્યું છે ને !
Jain Education International
For Private & Personal Use Only
www.jainelibrary.org
