________________
૪
સુખને જોઈને ખુશ-ખુશ થાય અને બીજાનું દુઃખ જોઈને તે કંપી ઉઠે. તેને દૂર કરવા તત્પર બને.
અબ્રાહમ લિંકન
અમેરિકાના પ્રેસિડેન્ટ અબ્રાહમ લિંકન વિકટોરિયા ગાડીમાં બેસીને કચેરીમાં જઈ રહેલા છે. રસ્તામાં જતાં તેમની નજર એક ખાડામાં તરફડી રહેલા એક ભૂંડ પર પડી. ભૂંડ કાદવમાં ખૂંપી ગયું હતું અને બહાર નીકળવા તરફડી રહ્યું હતું. પણ નીકળી શકવા અસમર્થ હતું. અબ્રાહમ લિંકનનું હૃદય આ દૃશ્ય જોઈને કંપી ઉઠયું.. તેમણે તરત જ પોતાની વિકટોરિયાને થંભાવી... નીચે ઉતર્યા.. પોતાની જાતે જ ભૂંડને કાદવમાંથી ખેંચીને બહાર કાઢયું.. સાથે કોઈ માણસ હતો પણ તેની પાસે તેમણે આ કામ ન કરાવ્યું. પોતાની જાતે જ કર્યું. તેમ કરતાં તેમના ઈસ્ત્રીબંધ પહેરેલા કપડાને કાદવના છાંટા ઉડયા. એવા જ કપડે તેઓ પોતાના કાર્યાલયમાં ગયા. તેમના કાદવવાળા કપડાં જોઈને બીજા લોકો એકદમ બોલી ઉઠયા કે આ શું ? આપના કપડાં આવાં કેમ ? શું આપને રસ્તામાં કોઈ સાથે કંઈ થયું છે ? આપની ઉપર કોણે કાદવ ઉછાળ્યો ? જલ્દી અમને કહો. અમે તેમની ખબર પાડી દઈએ. બધા લોકો એકદમ ઉશ્કેરાટમાં આવી ગયા. ત્યાં લિંકનની સાથે રહેલા પેલા માણસે કહ્યું કે ભાઈઓ શાંત થાઓ. કોઈએ કાંઈ કર્યું નથી. પરંતુ કાદવમાં ખૂંપી ગયેલા એક ભૂંડને બહાર કાઢતાં કાદવનાં છાંટા ઉડયા છે. આ સાંભળતાં જ લોકોએ તાળીઓનો ગડગડાટ કર્યો. પોતાની ખુશીને વ્યક્ત કરી. ત્યારે લિંકન બોલી ઉઠયા કે ભાઈઓ... મેં ભૂંડને નથી બચાવ્યું પણ મારા હૃદયમાં થઈ રહેલી વેદનાને જ મેં દૂર કરી છે - આ સજ્જનતા જ માણસને ઉંચા સ્તર પર લઈ આવે છે.
આજે મોટા ભાગના માણસો બીજાના ઉત્કર્ષને જોઈને અંદર સતત સળગી રહ્યા છે. મિત્રોનો ઉત્કર્ષ મિત્ર જોઈ શકતો નથી. ભાઈ ભાઈનો ઉત્કર્ષ જોઈ શકતો નથી. બહારથી મીઠી-મીઠી વાતો કરે પણ અંદર તો સળગતો હોય. આવા માણસને ધર્મ કેમ સ્પર્શી શકે ?
Jain Education International
For Private & Personal Use Only
www.jainelibrary.org
