________________
૧૫
રૂપ હતી તે સારા-સારા ઘરોમાં આજે ફેશન રૂ૫ (૩) બની ગઈ છે. ઘરમાં ટી.વી. ન હોય તો કોઈ આજે કન્યા આપવા તૈયાર થતું નથી. ધાર્મિક વાતાવરણમાં ઉછરેલા માણસને આજે નમાલો ગણવામાં આવે છે. એક ભાઈ મારી પાસે આવ્યા. તેમણે કહ્યું કે સાહેબ આજે પાર્ટીઓમાં દારૂ જ આપવામાં આવે છે. એ પોતે અમેરીકા જઈ આવેલા. ત્યાંથી પોતાના મા-બાપની સેવા માટે જ મુંબઈમાં આવીને વસેલા. તેઓ કોઈ પાર્ટીમાં ગયા. તેમને દારૂ ધરવામાં આવ્યો. તેમણે કહ્યું કે હું નથી પીતો. તો સામેવાળા લોકો કહે કે અમેરીકા જઈ આવ્યા તોય તમે સુધર્યા નહીં ? દારૂ પીવો એ સુધરવાનું કામ છે, તે કહેનારા જે-તે કોમના માણસ નહીં પણ જૈન કુટુંબના જ નબીરાઓ ! જે કુટુંબો દારૂના નામથી દૂર ભાગતા તે જ કુટુંબો આજે આવા નશીલા પદાર્થોમાં ડૂબી રહ્યા છે. જૈન સંસ્કૃતિધન ખતમ થઈ રહ્યું છે. અમારા જેવા સાધુ સંતોના હૃદય આ સાંભળીને આઘાત અનુભવી રહ્યા છે. પણ આભ ફાટયું ત્યાં થીગડું ક્યાં દેવું? સંત કબીરદાસે પણ કહ્યું છે કે – “કિન કિન કો સમજાઈએ કૂવે ભાંગ પડી.”
કોને સમજાવીએ એક માણસે ભાંગ (નશીલો પદાર્થ) પીધી હોય તો તેનો નશો દૂર કરવા પ્રયત્નો કરી શકાય પણ આ તો કૂવાના પાણીમાં જ ભાંગ નાખવામાં આવી છે. બધા જ લોકો વ્યસનમય બની ગયા છે. કોને સમાવીએ ?
આશ્ચર્યની વાત - કોઈ પણ માણસ હુમલો થાય ત્યારે બળવાનનો આશરો લે છે પણ જ્યારે કામનો હુમલો થાય છે ત્યારે મનુષ્ય અબળાનો આશરો લે છે.
Jain Education International
For Private & Personal Use Only
www.jainelibrary.org
