________________
૧૭૩
તમને આ સત્ય ઘટના પરથી ખ્યાલ આવશે.. શેરબજારનો રાજા
એક ગરીબ મારવાડી છોકરો. તેનું નામ ગોવિંદ. પૈસા કેમ કમાવવા તે મોટો પ્રશ્ન. ભણેલો બિલકુલ નહીં. મુંબઈની જાહોજલાલી જોઈને વિચાર્યું કે મુંબઈમાં કંઈક કમાણી થશે. એમ સમજીને મુંબઈ આવ્યો. આવડા મોટા મુંબઈ શહેરમાં ઉતરવું કયાં? સાવ અજાણ્યો માણસ. રોટલો તો કમાણીથી મળી રહે પણ ઓટલો કયાંથી લાવવો ? આખો દિવસ રઝળપાટ કરી.. કોઈકે કહ્યું કે ભાઈ ફલાણી ધર્મશાળામાં જજો. ત્યાં તમને રોટલો ઓટલો બને મળી રહેશે. નામ-ઠામ લઈને પૂછતો-પૂછતો ત્યાં પહોંચ્યો. મુનીમજીની પાસે ગયો. મુનીમજીને વાત કરી કે હું સાવ અજાણ્યો છું. નોકરી-ધંધે આવ્યો છું. કંઈક કામ હોય તો મને રાખી લો. મુનીમને તેના દિદાર જોઈને દયા આવી. તેમણે કહ્યું કે સારું તમે એમ કરજો કે રોજ કેટલા મુસાફરો આવ્યા તેની યાદી બનાવજો. સવારથી કામે લાગી જજો. સવાર પડી.. પણ આ ભાઈ સાહેબને ન તો પૂરું લખતાં આવડે કે ન વાંચતા આવડે. બે દિવસ જેમ તેમ કરીને પસાર કર્યા પછી મુનીમજીએ કહ્યું કે ભાઈ હું તમને રાખીને શું કરું ? નથી તમને લખતાં આવડતું કે નથી વાંચતા આવડતું. માટે મારે તમને રજા આપવી પડશે. લો, આ બે દિવસનો પગાર અને બીજા બે રૂપિયા હું મારા ખિસ્સામાંથી આપું છું. કારણ કે આવડી મોટી નગરીમાં તમે જાશો ક્યાં અને ખાશો શું ? બીજી નોકરી શોધતાં પણ ટાઈમ લાગશે તેથી આ બે રૂપિયા તમને કામ લાગશે. નિરાશવદને તે ત્યાંથી નીકળ્યો. ક્યાં જવું? ગમે તેમ કરીને દિવસો પસાર કરે છે. કોઈ દુકાનનો ઓટલો કે ફૂટપાથ પર દિવસો ગુજારે છે. પણ હવે ધીમે-ધીમે નસીબ આડેનું પાંદડું ખસવા લાગ્યું. પુણ્ય ખીલવા માંડયું. આગળ વધતાં-વધતાં તે શેર બજારનો રાજા બન્યો. ચારે બાજુ તેના નામની બોલ બાલા. તે ગોવિંદમાંથી શેઠ ગોવિંદરામ સેકસરિયા બની ગયો. સંપત્તિ ઢગલાબંધ આવવા માંડી. બેનો બદલો બે લાખથી
હવે આ બાજુ સૌ પ્રથમ જે ધર્મશાળામાં ઉતરેલો તે ધર્મશાળા જીર્ણ
Jain Education International
For Private & Personal Use Only
www.jainelibrary.org
