________________
આસો વદ છે.
| દિવાળી પર્વ દરેક વર્ષનું પહેલું પર્વ તે બેસતું વર્ષ અને અંતિમપર્વ તે દિવાળી. જૈન ધર્મના ઝંડાને લહેરાવનારા... અનેક અનાર્યોને ધર્મમાં જોડનારા અને તેમને સ્થિર કરવા માટે અનેક દહેરાસર અને જિનબિંબોને ભરાવનાર સમ્રાટ સંપ્રતિ સ્થૂલિભદ્રવિજયમહારાજના શિષ્ય આર્યસુહસ્તિસૂરિ મહારાજને પૂછે છે કે ભગવદ્ ! પર્યુષણ વગેરે પર્વ તો બરાબર છે પણ દિવાળી પર્વ કેવી રીતે બન્યું ? આચાર્ય ભગવંત કહે છે કે સાંભળ -
ઘોર ઉપસર્ગોને સહન કર્યા પછી કેવલજ્ઞાન પ્રાપ્ત કરીને ત્રીસ વર્ષ સુધી પ્રભુ વિચર્યા. અંતિમ સમય નજીક આવ્યું જાણીને પાવાપુરીમાં હસ્તિપાલરાજાની સભામાં ચોમાસુ રહ્યા છે ત્યાં ભગવાન અખંડ ૧૬ પ્રહર દેશને આપે છે. છેલ્લા દિવસોમાં તો માણસનું શરીર પણ શિથિલ બની જાય, છતાં એક પરોપકારી ગુણને લીધે ભગવાન અખંડ વાણીની ધારા વર્ષાવી રહ્યા છે. અત્યારે જેમ લોકશાહી છે તેમ ત્યારે ગણતંત્ર ચાલતું. ગણતંત્રના મોટા-મોટા રાજાઓની મિટીંગ મળી છે. ૧૮ દેશના રાજાઓ ત્યાં આવેલા છે. તેમને ખબર પડી કે ભગવાન દેશના આપી રહ્યા છે. બધા મીટીંગ પડતી મૂકીને ભગવાનની દેશના સાંભળવા આવે છે. ભગવાનની વાણીમાં એટલી બધી મધુરતા હોય છે કે ઉઠવાનું મન જ ન થાય. ૧૬ પ્રહર સુધી બેસી રહેવું કાંઈ સહેલું નથી. તમને એક સામાયિકમાં પણ બેસવાનો કંટાળો આવે છે. ક્યારે પુરુ થાય તેની રાહ જૂઓ છો ? આ તો ભગવાનની વાણીનો પ્રભાવ હતો. ભગવાનને ચઉવિહાર છઠ્ઠની તપશ્ચર્યા છે. પાવાપુરીમાં આજે પણ હજારો લોકો ભેગા થાય છે. અને ભગવાનની ચરણપાદુકાની સામે આખી રાત બેસીને જાપ કરતાં હોય છે. ભગવાન મહાવીર પર કેટલો અનુરાગ છે તે આપણને જણાઈ આવે છે. સાંભળ્યું છે કે આજે પણ ભગવાન મહાવીરના નિર્વાણ સમયે છત્ર ફરે છે. લોકો ચઉવિહારા છટ્ટની તપશ્ચર્યા પણ કરે છે.
Jain Education International
For Private & Personal Use Only
www.jainelibrary.org
