________________
૧૯૩
તો જીવનના સાચા લક્ષ્યને બાંધ્યા વિના જ જો જીવન પુરું કરી નાખશું તો છેવટે શું મળશે ? આખી જીંદગી ક્લેશયુક્ત અને અંતે દુર્ગતિ.
આપણું લક્ષ્ય કયું છે ? પૈસો કમાવવો, માન કમાવવું, આબરૂ કમાવવી બસ આજ લક્ષ્યમાં આપણું જીવન રંગાયેલું છે. તો વળી કેટલાક હલકા માણસોનું લક્ષ્ય જોશો તો આને પછાડવો છે ને આને મારવો છે. આજે રાજકારણમાં શું ચાલી રહ્યું છે. આ જ ને ! એક ગાદી પર આવે એટલે બીજો એને પછાડવાના પેંતરા રચે.. પહેલાં ટેકો આપે પછી પાછો ખેંચી લે. પૈસાનું લક્ષ માણસને પૈસા સુધી પહોંચાડે છે. ઘણા લોકો પૈસા કમાવા માટે અમેરીકા જવું પડે તો અમેરીકાયે જવા તૈયાર છે. લંડન જાય છે ને, આફ્રિકા જાય છે. કારણ કે તેણે લક્ષ્ય બાંધ્યું છે કે મારે પૈસો કમાવો છે. ટાટા-બિરલા બનવું છે. લક્ષ્ય બાંધ્યા પછી માણસ તે દિશામાં ગતિ કરતો થાય છે. પૈસા કમાવો એની ના નથી કારણ કે પૈસો હશે તો નિરાંતે ધર્મ કરી શકશો એટલે તો જયવીયરાયસૂત્રમાં ભગવાનની પાસે ઈષ્ટફળની સિદ્ધિની માંગણી કરવામાં આવે છે. પણ એ ઈષ્ટફળ એટલે પટારા ભરવા નહીં. પેટ ભરવા માટે છે. સંતોષ હોવો જોઈએ. સંતોષ વિના કયારેય તમારી ઈચ્છાઓ અટકવાની નથી.
સફળ થવાના પાંચ કારણો
કોઈપણ લક્ષ્ય બાંધો તો તેમાં સફળ થવા માટે પાંચ વસ્તુ જોઈશે. પહેલું પ્રણિધાન – પ્રણિધાન એટલે સંકલ્પ. આ મારે મેળવવું છે. તમને પ્રણિધાન છે ને કે મારે કોઈપણ રીતે પૈસો મેળવવો છે, પછી દારૂનો ય ધંધો કરવા તૈયાર ને માંસનો ય ધંધો કરવા તૈયાર. ‘મટન ટેલો’ એવું રૂડું રૂપાળું નામ આપીને ય પૈસો કમાય. કારણ કે ધ્યાન જ પૈસાનું છે. કોઈને કંચનનું, કોઈને કામિનીનું, કોઈને કીર્તિનું તો કોઈને કાયાનું અને કોઈને કુટુંબનું – આમ કોઈ ને કોઈ પ્રણિધાનમાં આ જગત પડેલું છે. મહાપુરુષો કહે છે કે દુન્યવી પ્રણિધાન છોડીને ઉંચામાં ઉંચા વિચારોનું, ઉંચા કાર્યોનું અને સદ્ગતિનું પ્રણિધાન કરો. કોઈપણ કાર્યની શરૂઆત કરો પછી તેને ધીરજતાથી પૂર્ણ કરવું જોઈએ. કાર્યનો આરંભ જ ન કરવો તે બુદ્ધિનું પહેલું લક્ષણ છે. પણ આરંભ કર્યા પછી તેને પૂર્ણ કરવું જ રહ્યું.
=
Jain Education International
For Private & Personal Use Only
www.jainelibrary.org
