________________
૨૦૪ જ છે પણ હું તો શાંતિને શોધી રહ્યો છું. I have plenty of money, but not the peace of mind. સકલ ક્રિયાનું મૂળ જે શ્રદ્ધા.
સમ્યક્ત્વ ન હોય તો કોઈ ક્રિયા ફળવાળી થાય ખરી? તપ-અહિંસા બધામાં સમ્યક્ત્વ હોય તો જ સફળ થાય. પૂજન ભણાવો પણ શ્રદ્ધા વિનાનું ભણાવે તો ફળ મળે ખરું? મૂડીમાંથી પાંચ-દસ હજાર ઓછા કર્યા. બીજો શું ફાયદો. આ વર્ષનું પહેલું પર્વ આ આવીને ઉભું રહે. પહેલાં ગૌતમ સ્વામીને કેવળજ્ઞાન અને પછી આવે જ્ઞાનપંચમીનું પર્વ. સવંત્સરી જેવો જ્ઞાનપંચમીનો મહિમા.. આપણે તો જ્ઞાનને શણગારીએ પૂજન કરીએ અને ખમાસણા દઈએ. કાઉસગ્ન કરીએ એટલે વાત પૂરી થઈ ગઈ. આ તો બાહ્ય પૂજા થઈ આપણે વર્ષ દરમ્યાન જ્ઞાન માટે ઉદ્યમ કેટલો કર્યો ? આજે માબાપ છોકરાને મારી-મારી ધમકી આપીને સ્કૂલમાં મૂકી આવે ભણશે નહીં તો થશે શું એમ સમજીને.. સંસારને સુખી કરવા માટે જ્ઞાન જરૂરી છે એમ તમને લાગતું હોય તો ભવો-ભવને સુખી કરવા માટે સમગ્રજ્ઞાન કેટલું જરૂરી છે? જ્ઞાનપંચમીના દિવસે બે વસ્તુ સમજવાની જ્ઞાનીની આશાતનાથી અને જ્ઞાનની આશાતનાથી બચો. ખૂબ આશાતના થઈ રહી છે. ભયંકર આશાતના -અવહેલના થઈ રહી છે જેથી જીવો અનેક યાતનાઓથી પીડાય છે. કંકોત્રીઓમાં જુઓ ભગવાનના ફોટા, ગુરૂ મહારાજના ફોટા અને પછી એ ફોટા પગ નીચે કચડાતા હોય. ફોટા ફાડી શકાય નહીં. પાણીમાં પધરાવીએ તો પણ આશાતના થાય જ. આભ ફાટયું ત્યાં થીગડું ક્યાં દેવું ? જ્ઞાનનું બહુમાન કરો. પ્રજાએ શસ્ત્રો સરકારને સોંપ્યા. પ્રજા નિર્બળ બની ગઈ અને શાસ્ત્રો સોંપ્યા સાધુને - દહેરાસરની જ તીજોરી હોય તેમાં રહેલી નોટોની કિંમત વધારે, તેમાં રહેલા દર દાગીનાની કિંમત વધારે કે તેમાં રહેલા જ્ઞાન ભંડારની કિંમત વધારે ? મહારાજા કુમારપાળ ૭૦ વર્ષની ઉંમરે સંસ્કૃત ભણવા બેઠા ભણ્યા અને સંસ્કૃતમાં કાવ્યો લખ્યાં “જ્ઞાન એ આત્માનો મુખ્ય ગુણ છે.”
ભક્ષ-અભક્ષનો ખ્યાલ જ્ઞાનથી જ આવશે ને !
Jain Education International
For Private & Personal Use Only
www.jainelibrary.org
