________________
૧૭૬ ચાલે. છોકરાને ચડાવે કે તારી વહુ આવી છે ને તારી વહુ તેવી છે. વગેરે... હવે છોકરો વિનયી છે તેને મોટો પ્રશ્ન ઉભો થાય. જો સ્ત્રીનો પક્ષ લેવા જાય તો મા-બાપની ભક્તિનો સવાલ આવે અને મા-બાપનો પક્ષ લેવા જાય તો સ્ત્રીને તરછોડવી પડે. શું કરવું? શાસ્ત્ર પ્રમાણે ચાલવા જાય તો વહુને રઝળતી જ મૂકવી પડે. ત્યાં શાસ્ત્રકારો કહે છે કે મા-બાપની ભક્તિ એટલે તેમના ખોટા વિચારોને પણ ન્યાય જ આપવો, તેમનું કહેલું સ્વીકારવું જ તેવું નથી, પણ તેમને ખાવા-પીવાની, તબિયત વગેરેની તકલીફ ન પડવી જોઈએ. તેમને એમ ન થવું જોઈએ કે દીકરો તો વહુનો થઈ ગયો. અમારી સામું પણ જોતો નથી. અમને ઘરમાં વહુ હડધૂત કરે તો પણ કાંઈ કહેતો નથી. બસ આટલું જ સાચવવાનું છે. બાકી વિચારો તો મેચ થાય કે ન પણ થાય.. છોકરાઓ લહેર કરતા હોય અને મા-બાપ સીદાતા હોય. એના તરફ જ શાસ્ત્રકારો આંગળી ચીંધે છે. મા-બાપે પણ સમજવું પડશે કે દીકરાની મુશ્કેલી થાય તેવું ન કરવું જોઈએ. પોતાના સ્વભાવને ફેરવવો પણ પડે.
બીજું કારણ કેટલાક સંતાનો જ એવા હોય છે કે મા-બાપનું બિલકુલ ધ્યાન જ ન રાખે. વહુ આવે એટલે એમાં એવો ડૂબી જાય કે સવારે ધંધા પર જાય અને સાંજે આવીને તરત પોતાની સ્ત્રી સાથે ઓરડામાં પેસી જાય... મા-બાપે આખા દિવસમાં કાંઈ ખાધું કે નહીં, તબિયત કેમ છે, વગેરે કાંઈ જોવા-જાણવાની પડી જ ન હોય. આવા સંતાનોને પાછળથી પસ્તાવાનો વખત આવે છે. કરણી તેવી ભરણી
હું મારા એક પરિચિતભાઈને ત્યાં પગલાં કરવા ગયેલો. અમદાવાદ શહેરની વાત છે. દીકરો ઘણો હોંશિયાર ધંધામાં તેણે નામ કાઢેલું. ઘેર મોટરગાડી, બંગલો... વૈભવના સાધનો.. આબરૂ... બધું જ. તેમના ઘેર જઈને તેના બાપાને મળ્યો. મેં કહ્યું કે ફલાણાભાઈ! તમારા દિકરાએ તો નામ કાઢયું છે. તમે તો ઘણા સુખી સુખી લાગો છે. ત્યાં બાપા એકદમ અકળાઈને બોલ્યા કે શું સુખી? હું તો દુઃખી-દુઃખી છું. સાંભળીને હું તો આશ્ચર્ય પામ્યો કે આટલો સુખી માણસ અને કહે છે કે હું દુઃખી છું. મેં પૂછયું કે કેમ દુઃખી
Jain Education International
For Private & Personal Use Only
www.jainelibrary.org
