________________
૭૭
પરમ શાંતિ... આ લોક પણ શાંતિથી અને પ્રસન્નતાથી પૂરો થાય અને પરલોકમાં પણ સદ્ગતિ મળવાથી ત્યાં પણ પરમશાંતિ. જેણે પ્રભુને ઓળખ્યા તેના મનની મસ્તી અલૌકિક હોય છે.
રામ રાખે તેને કોણ ચાખે
એક સંતપુરુષ ધ્યાનમાં બેઠેલા છે. શિષ્ય પડખે ઉભો છે. ઘોર ભયંકર જંગલ છે. ત્યાં વાધ-વરૂના અવાજો સંભળાયા. શિષ્ય એકદમ ગભરાઈ જાય છે. ગુરૂ મહારાજને ચેતવે છે પણ ગુરૂ તો ધ્યાનમગ્ન હતા. ભગવાનના સાનિધ્યમાં છે. તેમને કોઈનો ય ડર નથી... શિષ્ય પોતાની જાત બચાવવા ઝાડ પર ચડી ગયો. ત્યાં ત્રાડ નાખતો વાઘ આવે છે. ઝાડ પર બેઠેલો શિષ્ય થથરે છે. હમણાં આ વાઘ ગુરૂ મહારાજને ફાડી ખાશે. પણ તેને ક્યાં ખબર છે કે ભગવાન જેની પાસે હોય તેનો વાળ પણ કોઈ વાંકો કરી શકતું નથી . . કહેવત છે ને કે ‘રામ રાખે તેને કોણ ચાખે' વાઘ નજીક આવ્યો. ગુરૂની સૌમ્યમૂર્તિ જોઈને એકદમ શાંત થઈ ગયો તેમને પ્રદક્ષિણા દઈને થોડીવાર તેમની છાયામાં બેસીને ચાલ્યો ગયો. શિષ્યતો દૃશ્ય જોઈ રહ્યો. ગુરૂ તો ભગવાનમાં લીન છે. જ્યારે આપણે પરમાત્મા સાથે એકરૂપ બની જઈએ છીએ ત્યારે આપણે પરમાત્મા બની જઈએ છીએ. જીવનમાં શાંતિનો અનેરો આનંદ પ્રગટી ઉઠે છે. આપણે બહારના પદાર્થો સાથે તન્મય બની ગયા છીએ તેથી આપણું ચિત્ત પરમાત્મામાં લાગતું નથી. થોડા સમય પછી શિષ્ય ઝાડ ઉપરથી નીચે ઉતર્યો. શિષ્યે ગુરૂ મહારાજની ખૂબ પ્રશંસા કરી. ગુરૂ શિષ્ય હવે આગળ ચાલે છે. આગળ જતાં સામે એક કૂતરો ભસતો-ભસતો આવ્યો. ગુરૂએ હાથમાં રહેલી સોટી તેની સામે ઉગામી શિષ્ય બોલ્યો કે ગુરૂજી આમ કેમ ? વાઘ જેવું ભયંકર પ્રાણી આપની સામે આવ્યું તો આપે આંખ પણ ન ખોલી અને આ કૂતરાની સામે લાકડી ઉગામો છો. એનું શું કારણ? ગુરૂજીએ જવાબ આપ્યો કે વાધ આવ્યો ત્યારે હું ભગવાનની સાથે હતો પણ અત્યારે હું તારી સાથે છું. સંસારના દરેક વ્યવહારમાં તમે પ્રભુને સાથે અને માથે રાખીને કામ કરો.. પછી જૂઓ તેનો ચમત્કાર.. આજે માણસને કોઈ રાષ્ટ્રપતિ કે ધારાસભ્યની સાથે સંબંધ હોય તો કેવો રોફમાં ફરતો હોય છે?
Jain Education International
For Private & Personal Use Only
www.jainelibrary.org
