________________
૧૬૬
મેં નક્કી કર્યું કે આ હાથણીના પગલાં છે. વળી તેણે જમણી બાજુના જ પાંદડા, ફળ-ફૂલ ખાધેલાં તેના પરથી મેં નક્કી કર્યું કે તે ડાબી આંખે કાણી હોવી જોઈએ. આગળ જતાં તેના પરથી કોઈ નીચે ઉતરીને બાવળની પાછળ લઘુશંકા માટે ગયેલું છે.. પુરુષને ઓઠાંની જરૂર ન પડે પણ સ્ત્રીને જરૂર પડે તેથી મેં નક્કી કર્યું કે તે સ્ત્રી છે, વળી હાથી પર મુસાફરી તો મોટી વ્યક્તિ જ કરેને ! માટે તે રાજરાણી હોવી જોઈએ એમ મને લાગ્યું. મેં ત્યાં જઈને જોયું તો બાવળમાં સાડીના તાંતણા ભરાયેલા હતા. તે લાલ કલરના હતા તેથી તેણે લાલ સાડી પહેરેલી હોવી જોઈએ એમ મને લાગ્યું. વળી ત્યાં બે હથેળીના ચિન્હો હતાં તેના પરથી નક્કી કર્યું કે તે લઘુશંકા કરીને બે હાથનો ટેકો દઈને ઉભી થઈ હતી અને તેમાંય જમણા હાથની હથેળી પર વધારે ભાર આપ્યો હોય તેમ લાગતું હતું. તેના પરથી મને વિચાર આવ્યો કે તે ગર્ભવતી હોવી જોઈએ અને પ્રસવની તૈયારી હોવી જોઈએ. જમણા હાથ પર વધારે દબાણ આપ્યું હોવાથી તેને છોકરો આવવો જોઈએ. ગુરુ મહારાજ પણ તેની બુદ્ધિ પર ઓવારી ગયા. પછી ગુરુ મહારાજે પૂછ્યું કે પેલા ડોસીમાને તે કયા આધારે જવાબ આપ્યો ? તેણે કહ્યું કે ગુરુજી ! ડોસીમાએ જ્યારે પ્રશ્ન પૂછયો તે જ સમયે તેમના માથેથી ઘડો પડયો અને ફૂટી ગયો. તે ઘડાના ટૂકડા માટીમાં મળ્યા અને તેમાંથી પાણી ઢોળાઈને તળાવના જ પાણીમાં મળ્યું. એટલે મેં વિચાર્યું કે માટી માટીમાં મળી અને પાણી પાણીમાં મળ્યું. જે જેનું હતું તેને તે મળી ગયું. આ ડોસીમાને પણ તેમનો છોકરો મળી જવો જોઈએ. ગુરુ મહારાજ સમજી ગયા કે વિનય દ્વારા જ તેનામાં બુદ્ધિ પણિામ પામેલી છે. અવિનીતને પોતાની ભૂલ સમજાઈ ગઈ. આમ વિનય કરતાં ઉત્પન્ન થયેલી બુદ્ધિ અદ્ભુત હોય છે તેનાથી આ લોકમાં કલ્યાણ થાય છે અને પરલોકમાં પણ કલ્યાણ થાય છે. સ્વર્ગ અહીંયા છે.
જીવનની અંદર બધા સુખોનું મૂળ પુણ્ય છે. પુણ્યનું મૂળ ધર્મ છે અને ધર્મનું મૂળ વિનય છે. બધા જ સુખોની ચાવી પરંપરાએ વિનયમાં રહેલી છે. વિનય એ લીલી ઝંડી છે જ્યારે માન એ લાલ ઝંડી છે. ગાડીને આગળ
Jain Education International
For Private & Personal Use Only
www.jainelibrary.org
