________________
૧૦) પગલો ત્યાં ફેલાયેલા હોય છે. તેવા વાતાવરણની માણસ પર જલ્દી અસર થતી હોય છે. તે જ રીતે કોઈ દહેરાસરમાં જાઓ, ભાવના ચાલતી હોય, ભક્તિની રમઝટ જામેલી હોય, ત્યાં આપણી ભાવના કેવી બની જાય છે? ક્ષણવાર તો પ્રભુમાં આપણે ડૂબી જઈએ છીએ. માણસનું મોટામાં મોટું ધન એનું મન છે. સારામાં સારા વિચારો કરીને મોક્ષે પણ જઈ શકે છે અને હલકા વિચારોથી નરકે પણ પહોંચી જાય..
આપણા જીવનમાં બે વસ્તુની ખામી છે એક ભાવના અને બીજી સાધના. આજે માણસનું મન ખૂબ જ સંકુચિત બની ગયું છે. બીજાનું સારું ઈચ્છવા પણ તે તૈયાર નથી. ભગવાનની પરકલ્યાણની ભાવના છે તેનો પડઘો પણ એટલો જ પડે છે. વિચારોનો પડઘો - ચંદનનો વહેપારી
એક નગરમાં ચંદનનો વહેપારી હતો. ચારે બાજુ તેની ખ્યાતિ પથરાયેલી હતી. રાજા પણ અવસરે તેની પાસેથી ચંદન ખરીદતો હતો. તેનો વહેપાર સારો ચાલતો હતો. તેણે પોતાની મૂડી ચંદનમાં રોકી દીધી. ચંદન ખરીદીને તેણે વખારો ભરી. આવો ખ્યાતિવાન વહેપારી એટલે રાજસભામાં રાજા સાથે તેની બેઠક હતી. ચંદનની કિંમત ઘણી.. શરૂ-શરૂમાં તો તેનો વહેપાર સારો ચાલ્યો પણ તેનો વપરાશ કેટલો..? તેથી ધીમે-ધીમે વહેપારી બંધ પડવા માંડયો. મૂડી તો બધી રોકાઈ ગઈ છે. ચંદન ખપતું નથી. તેથી વેપારી મનમાં મુંઝાવા લાગ્યો. તેના મનમાં એક વિચાર ઝબક્યો. જો રાજકુળની કોઈ વ્યક્તિ મરી જાય તો તેની ચિતા માટે મારું ચંદન વેચાય. મનમાં રોજ આવી દુષ્ટ વિચારણા ચાલે છે. રાજસભામાં જાય છે. તેની ચારે બાજુ દુષ્ટ વિચારના પરમાણુ પથરાયેલા છે. જુઓ વિચારોનો પડઘો સામે કેવો પડે છે? એકા એક રાજાના મનમાં પણ આના તરફ દ્વેષ ઉભરાયો. તેને નજરે જોવો પણ ગમતો નથી. રાજસભામાં નહીં આવવા માટે ના પાડવાની જ ઈચ્છા થાય છે. પણ વિના કારણે તેની સાથે સંબંધ બગાડવો કેમ ? કયારેક તો તેને મારી નાખવાનું પણ મન થઈ આવે છે. રાજાએ આ વિચાર મંત્રીને જણાવ્યો. મંત્રીએ વિચાર્યું કે આમ એકાએક કેમ બન્યું.
Jain Education International
For Private & Personal Use Only
www.jainelibrary.org
