Bhagwati Sutram

Author(s): N V Vaidya
Publisher: Godiji Jain Temple and Charities

Page 9

पन्नरसमं सयं
3
णं सा भद्दा भारिया अन्नया कयाइ गुब्विणी यावि होत्था । तेणं कालेणं तेणं समपणं सरवणे नामं संनिवेसे होत्था, रिद्धत्थिमिय जाव सन्निभप्पगा से पासादीए ४ | तत्थ णं सरवणे संनिवेसे गोबहुले नामं माहणे परिवसर, अड्ढे जाव अपरिभूए, रिउव्वेय नाव सुपरिनट्ठिए यावि होत्था । तस्स णं गोबहुलस्स माहणस्स गोसाला 5 यावि होत्था । तए णं से मंखली मंखे अन्नया कयाइ भद्दाए भारियाए गुब्विणीए सद्धि चित्तफलगहत्थगए मंखत्तणेणं अप्पाणं भावेमाणे पुव्वाणुपुव्विं चरमाणे गामाणुगामं दूइज्जमाणे जेणेव सरवणे संनिवेसे जेणेव गोबहुलस्स माहणस्स गोसाला तेणेव उवागच्छइ २ गोबहुलस्स माहणस्स गोसालाए एगदेसंसि भंडनिक्खेवं करेइ, २ सरवणे 10 संनिवेसे उच्चनीयमज्झिमाई कुलाई घरसमुद्दाणस्स भिक्खायरियाए अडमाणे वसहीए सव्वओ समंता मग्गणगवेसणं करेइ, मग्गणगवेसणं करेमाणे तस्सेव गोबहुलस्स माहणस्स गोसालाए एगदेसंसि वासावासं उवागए ॥
५. तए णं सा भद्दा भारिया नवण्हं मासाणं बहुपडिपुण्णाणं 15 अट्टमाणं राईदियाणं वीइक्कंताणं सुकुमाल' जाव पडिरूवगं दारगं पयाया । तए णं तस्स दारगस्स अम्मापियरो एक्कारसमे दिवसे वीइक्कंते जाव बारसाहे दिवसे अयमेयारूवं गोणं गुणनिष्पन्नं नामधेज्जं करेंति - जम्हा णं अम्हं इमे दारए गोबहुलस्स माहणस्स गोसालाए जाए, तं होउ णं अम्हं इमस्स दारगस्स नामधेज्जं 20 'गोसाले ' 'गोसाले ' त्ति । तए णं तस्स दारगस्स अम्मापियरो नामधेज्जं करेंति 'गोसाले' त्ति । तर णं से गोसाले दारए उम्मुकबालभावे विण्णायपरिणयमेते जोव्वणगमणुव्पत्ते सयमेव पाडिएकं चित्तफलगं करेइ, २ चित्तफलगहत्थगए मंखत्तणेणं अप्पाणं भावेमाणे विहरइ ॥ ( सू० ५४० )
25