Bhagwati Sutram

Author(s): N V Vaidya
Publisher: Godiji Jain Temple and Charities

Page 19

पन्नरसमं सयं
13
तए णं तस्स मंखालस्स, एवं तं चेव सव्वं भणियवं जाव आजिणे जिणसदं पगासेमाणे विहरइ; तं नो खलु गोसाले मखलिपुत्ते जिणे, जिणप्पलावी जाव विहरइ। गोसाले मंखलिपुत्ते आजिणे जिणप्पलावी जाव विहरइ। समणे भगवं महावीरे जिणे जिणप्पलावी जाव जिणसई पगासेमाणे विहरइ ।। तए णं से गोसाले मंखलिपुत्ते बहुजणस्स अंतियं एयमढे सोच्चा निसम्म आसुरुत्ते जाव मिसिमिसेमाणे आयावणभूमीओ पच्चोरुहइ, २ सांवत्थि नयरिं मझमज्झेणं जेणेव हालाहलाए कुंभकारएि कुंभकारावणे तेणेव उवागच्छइ २ हालाहलाए कुंभकारीए कुंभकारावणंसि आजीवियसंघसंपरिखुडे महया अमारिसं वहमाणे एवं यावि विहरइ ॥ (सू०५४६) 10
१५. तेणं कालेणं तेणं समएणं समणस्स भगवओ महावीरस्स अंतेवासी आणंदे नाम थेरे पगइभद्दए जाव विणीए छटुंछट्टेणं अणिक्खित्तेणं तवोकम्मेणं संजमेणं तवसा अप्पाणं भावमाणे विहरइ । तए णं से आणंदे थेरे छ?क्खमणपारणगंसि पढमाए पोरिसीए, एवं जहा गोयमसामी तहेव आपुच्छइ, तहेव जाव उच्चनीयमाज्झिम जाव 15 अडमाणे हालाहलाए कुंभकारीए कुंभकारावणस्स अदूरसामंत वीइवयइ । तए णं से गोसाले मंखलिपुत्ते आणंदं थेरं हालाहलाए कुंभकारीए कुंभकारावणस्स अदूरसामंतेण वीइवयमाणं पासइ, २त्ता एवं क्यासी-'एहि ताव आणंदा, इओ एगं महं उवमियं निसामहि ।। तए णं से आणंदे थेरे गोसालेणं मखलिपुत्तेणं एवं वुत्ते समाणे जेणेव 20 हालाहलाए कुंभकारीएकुंभकारावणे, जेणेव गोसाले मंखलिपुत्ते तेणेव ज्वागच्छइ । तए णं से गोसाले मखलिपुत्ते आणंदं थेरं एवं वयासी"एवं खलु आणंदा इओ चिराईयाए अद्धाए केइ उच्चावया वणिया अत्थत्थी अत्थगवेसी अत्थकंखिया अत्थापिवासा अस्थगवेसणयाए नाणाविहविउलपणियभंडमायाए सगडीसागडेणं सुबहुँ भत्तपाणं 25