Bhagwati Sutram

Author(s): N V Vaidya
Publisher: Godiji Jain Temple and Charities

Page 41

पन्नरसमं सयं
35
२त्ता अतुरियमचवलमसंभंतं मुहपोत्तियं पडिलेहेइ, २ जहा गोयमसामी जाव जेणेव समणे भगवं महावीरे तेणेव उवागच्छइ, २ समणं भगवं महावीरं वंदइ नमसइ, २त्ता समणस्स भगवओ महावीरस्स अंतियाओ साण(ल)कोट्टयाओ चेइयाओ पडिनिक्खमइ, २ अतुरिय जाव जेणेव मेढियगामे नयरे तेणेव उवागच्छइ, २ मेढियगामं नयरं । मज्झमज्झेणं जेणेव रेवईए गाहावइणीए गिहे तेणेव उवागच्छइ, २ रेवईए गाहावइणीए गिहं अणुप्पविटे। तए णं सा रेवई गाहावाणी सीहं अणगारं एज्जमाणं पासइ, २ हट्टतुट्ट... खिप्पामेव आसणाओ अभुट्टेइ, २ सीहं अणगारं सत्तट्ठ पयाई अणुगच्छइ, २ तिक्खुत्तो आयाहिणं पयाहिणं करेइ, २वंदइ नमसइ, २ एवं वयासी- 'संदिसंतुणं 16 देवाणुप्पिया, किमागमणप्पओयणं? तए णं से सीहे अणगारे रेवई गाहावइणि एवं वयासी- ‘एवं खलु तुमे देवाणुप्पिए, समणस्स भगवओ महावीरस्स अट्टाए दुवे कवोयसरीरा उवक्खडिया, तेहिं नो अट्ठो, अत्थि ते अन्ने पारियासिए मज्जारकडए कुक्कुडमंसए, एयमाहराहि, तेणं अट्ठो'। तए णं सा रेवई गाहावइणी सीहं अणगारं एवं वयासी-11 'केस णं सीहा, से नाणी वा तवस्सी वा, जेणं तव एस अट्टे मम ताव रहस्सकडे हब्वमक्खाए, जओ णं तुमं जाणाास ? एवं जहा खंदए जाव जओ णं अहं जाणामि। तए णं सा रेवइ गाहावइणी सीहस्स अणगारस्स अंतियं एयमढें सोचा निसम्म हट्टतुट्ठा जेणेव भत्तघरे तेणेव उवागच्छइ, २ त्ता पत्तगं मोएइ, २त्ता जेणेव सीहे अणगारे 26 तेणेव उवागच्छइ, २ त्ता सीहस्स अणगारस्स पडिग्गहगंसि तं सव्वं सम्मं निस्सिरइ। तए णं तीए रेवईए गाहावइणीए तेणं दब्बसुद्धणं जाव दाणेणं सीहे अणगारे पडिलाभिए समाणे देवाउए निबद्धे, जहा विजयस्स जाव जम्मजीवियफले, रेवईए गाहावइणीए रेवईगाहावइणीए। तए णं से सीहे अणगारे रेवईए गाहावइणीए गिहाओ