Bhagwati Sutram

Author(s): N V Vaidya
Publisher: Godiji Jain Temple and Charities

Page 23

17
पन्नरसमं सयं आणंदा, सारक्खामि संगोवामि, जहा वा से वणिए तेसिं वणियाणं हियकामए जाव निस्सेसकामए अणुकंपयाए देवयाए सभंड... जाव साहिए। तं गच्छ णं तुमं आणंदा, तव धम्मायरियस्स धम्मोवएसगस्स समणस्स नायपुत्तस्स एयमढें परिकहहि ।। तए णं से आणंदे थेरे गोसालेणं मंखलिपुत्तेणं एवं वुत्ते समाणे भीए जाव संजायभए 5 गोसालस्स मंखलिपुत्तस्स अंतियाओ हालाहलाए कुंभकारीप कुंभकारावणाओ पडिनिक्खमइ, २ सिग्धं तुरियं सावत्थिं नयरिं मझमज्झेणं निगच्छइ, २ त्ता जेणेव कोट्टए चेइए, जेणेव समणं भगवं महावीरे तेणेव उवागच्छइ, २ समणं भगवं महावीरं तिक्खुत्तो आयाहिणं पयाहिणं करेइ, २ त्ता वंदइ नमसइ, २त्ता एवं वयासी-10 * एवं खलु अहं भंते, छट्टक्खमणपारणगसि तुन्भेहिं अब्भणुन्नाए समाणे सावत्थीए नयरीए उच्चनीय ... जाव अडमाणे हालाहलाए कुंभकारीए जाव वीइवयामि । तए णं गोसाले मंखलिपुत्ते ममं हालाहलाए जाव पासित्ता एवं वयासी-'एहि ताव आणंदा, इओ एगं महं उवमियं निसामेहि।। तए णं अहं गोसालेणं मंखलिपुत्तेणं 13 एवं वुत्ते समाणे जेणेव हालाहलाए कुंभकारीए कुंभकारावणे, जेणेव गोसाले मंखलिपुत्ते तेणेव उवागच्छामि। तए णं से गोसाले मंखलिपुत्ते ममं एवं वयासी- 'एवं खलु आणंदा, इओ चिराईयाए अद्धाए केइ उच्चावया वणिया, एवं तं चेव सव्वं निरवसेसं भाणियव्वं जाव नियगनयरं साहिए'। तं गच्छ णं तुमं आणंदा, धम्मायरियस्स 20 धम्मोवएसगरस जाव परिकहहि ॥ (सू० ५४७)
१६. तं पभू णं भंते, गोसाले मंखलिपुत्ते तवेणं तेएणं एगाहच्चं कूडाहचं भासरासिं करेत्तए ? विसए णं भंते, गोसालस्स मंखलिपुत्तस्स नाव करेत्तए ? समत्थे णं भंते, गोसाले जाव करेत्तए? पभूणं आणंदा, गोसाले मंखलिपुत्ते तवेणं जाव करेत्तए। विसए णं आणंदा, गोसाले