________________ ચતુર્થ મહાપ્રાતિહાર્ય : ચામરશ્રેણિ “હે ભગવન્! આપ જ્યારે સમવસરણમાં વિરાજમાન હો અથવા પૃથ્વીતલને વિહાર વડે પાવન કરતા હો ત્યારે સુરો અને અસુરો વડે ચામરોની શ્રેણિથી નિરંતર વીંઝાઓ છો. હે સ્વામિનું ! શરદ ઋતુના ચન્દ્રમાનાં કિરણોના સમૂહ જેવા ઉજ્વલ એવાં તે ચામરો બહુ જ સુંદર રીતે શોભે છે. આ દૃશ્ય જોતાં જ એવું લાગે છે કે જાણો ચામરોરૂપ સોની શ્રેણી આપના મુખકમલની પરિચય-સમુપાસનામાં પરાયણ તત્પર ન હોય ! હે દેવાધિદેવ ! આપના મુખને કવિઓ કમલની ઉપમા એટલા માટે આપે છે કે આપનું મુખકમલ કંઠરૂપ નાલથી સહિત છે, લાલિત્યથી પરિપૂર્ણ એવા અધર (ઠ) રૂપ દલોથી શોભે છે, દંતપંક્તિનાં કિરણ રૂપ કેસરાની શ્રેણિથી વિરાજિત છે, તિલ આદિ શુભ ચિહ્નરૂપ ભ્રમરો વડે પરિચુંબિત છે, સ્વભાવથી જ સુગંધી છે અને કેવલ્યરૂપ લક્ષ્મીનું નિવાસસ્થાન છે. પંચમ મહાપ્રાતિહાર્ય : સિંહાસન મદોન્મત્ત વાદીરૂપ હાથીઓની સામે સિંહસમાન હ સ્વામિન્ ! આપ જ્યારે દિવ્ય સિંહાસન ઉપર આરૂઢ થઈને ભવના વૈરાગ્યને અને પરમપદના અનુરાગને ઉત્પન્ન કરનારી ધર્મદશના આપતા હો છો ત્યારે વિશુદ્ધ તત્ત્વજ્ઞાનથી સમૃદ્ધ મધા-બુદ્ધિવાળા દેવતાઓ અને મનુષ્ય શ્રવણ કરવા સમુપસ્થિત થાય છે. તેમાં કાંઈ પણ આશ્ચર્ય નથી. કિન્તુ બુદ્ધિવિહીન પશુઓ પણ તે દેશનાને સાંભળવા માટે અને જાણે મૃગેન્દ્રાસન (સિહાસન) ઉપર વિરાજમાન પોતાના સ્વામી મૃગેન્દ્ર સિંહ) સમાન આપની ઉપાસનામાં સમુપસ્થિત થાય છે, એ જ મહાન આશ્ચર્ય છે અને એ જ આપનો મહાન પ્રભાવ છે. ષષ્ઠ મહાપ્રાતિહાર્ય : ભામંડલ નિરુપમ લાવણ્યજલના મહાસાગર, હે સ્વામિન્ ! ભામંડલથી સહિત એવા આપ દર્શન માત્રથી જ ત્રણે ભુવનનાં જનોને, વાણીને અગોચર અને કેવળ અનુભવથી જ ગમ્ય એવા પરમાનંદને આપો છો. નાથ ! જેમ ચંદ્રમાં પ્રતિક્ષણ સમુલ્લાસને પામતી જ્યોત્સાલહરીઓ વડે જ્યોન્ના જ જેમનું જીવન છે એવાં ચકોર પક્ષીઓને આનંદ આપે છે, તેમ ભામંડલથી પરિવૃત અને લાવણ્યના મહાસાગર રૂપ આપ ભવ્ય જીવોને પરમ આનંદ આપો છો. સપ્તમ મહાપ્રાતિહાર્ય : દુંદુભિ “હે વિશ્વવિધ્વંશ ! આપના આગળના ભાગમાં આકાશમાં દેવતાઓના હસ્તતલથી તાડિત- વગાડાતાં એવાં દુંદુભિ વાજિંત્રો પોતાના નાદવડે સમસ્ત અંતરાલ (આકાશ 1. 3. બ્લો. 4. શ્લો. ક. 2. ગ્લા. 5. 4. લો, 7. અરિહંતના અતિશયો 222
