Anusandhan 2017 07 SrNo 72

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 51

४४
अनुसन्धान-७२
प्राग्वाटान्वयभूस्तथाऽजनि पुरा सामन्तनामा पुमांस्तद्भः शान्तिरिति प्रशान्तचरितोऽस्माद् ब्रह्मनागः सुतः । तत्पुत्रोऽभवदामदत्त इति तद्भू (र्ना)गडोऽभूत् ततो, दण्डेशः समभूत् प्रभूतधिषणासम्भूतिराभूरिति ॥१०॥ धनपाल-पूर्णपालौ, महिपालस्तस्य सूनवोऽभूवन् । लक्ष्मीकुक्षेः पुत्री, कुमारदेवीति च ख्याता ॥११॥ सोमसूनोर्बुधस्येव, बुद्धिर्विश्वैकपावि(व)नि(नी) । आसराजस्य तस्याऽसा-वजायत सधमिणी ॥१२।। कुमारदेव्यामेतस्य, चत्वारः सूनवोऽभवन् । कलौ धर्मनृपस्याऽङ्ग-रक्षका इव ये बभुः ॥१३॥ आद्यस्तेषामशेषाघ-लवनो लूणिकाभिधः ।
प्रतिकूलः कलेर्मल्ल-देवोऽभूदपरः पुनः ॥१४॥ श्रीवस्तुपाल इति पौरुषवेश्म तेजः-पालश्च शुद्धमतिधाम तृतीय-तुर्यो । तौ मन्त्रितामलभतां चतुरौ चुल(लु)क्य-वीरस्य वीरधवलस्य धरामघोनः ।।१५।।
जाल-मायू-सायू-धनदेवी-सोहगा-वयजूकाऽऽखाः(ख्याः) । पद्मलदेवी चैषां, क्रमान्दिमाः सप्त सोदर्यः ॥१६॥ लीलू-पातू उभे कान्ते, मल्लदेवस्य मन्त्रिणः । लीलूभवः सुतः पूर्ण-सिंहस्तद्भश्च पेथडः ॥१७॥ दयिते ललितादेवी-सूखलते वस्तुपालसचिवस्य । ललितादेव्या जात-स्तनयस्तु जयन्तसिंहाख्यः ॥१८॥ तेजःपालस्य धाम्नाऽपि, नाम्ना त्वनुपमा प्रिया । अपत्ये बकुलदेवी-लूणसिंहावजीजनत् ॥१९॥ वंश एष रघुवंश इवाऽस्मिन्, भूतले स्तुतिपदं न किमस्तु । यत्र साम्प्रतमिमौ सचिवेन्द्रौ, रामलक्ष्मणनिभौ विजयेते ॥२०॥
॥ इति वंशाधिकारः प्रथमः ॥ विक्रमनृपकालाद् द्वा-शतमितसमयचूलिकाभूतान्(त्) । सप्ताधिकसप्ततिका-दारभ्य चुल(लुक्यनृपसभ्यः ॥१॥ पुरनगरग्रामादिषु, धर्मस्थानानि धार्मिकः श्रीमान् । वस्तूनि वस्तुपालो, विविधानि विधापयामास ॥२॥ युग्मम् ॥