Aagam Manjusha 05 Angsuttam Mool 05 Bhagavati

Author(s): Anandsagarsuri, Sagaranandsuri
Publisher: Deepratnasagar

Page 82

अाइए वा अजबसिए साइए वा अपजबसिए साइए वा सपज्जबसिए, तत्थ णं जे से अगाइए अपज्जवसिए से णं अट्ठण्हं जीवमज्झपएसाणं, तत्थवि णं तिष्ठं अणाइए अपज्जबसिए सेसाणं साइए, तत्थ णं जे से सादीए अपज्जवसिए से णं सिद्धाणं, तत्थ णं जे से साइए सपज्जवसिए से णं चउव्विहे पं० तं० आलावणबंधे अलियावणबंधे सरीरबंधे सरीरप्पयोगबंधे से किं तं आलावणबंधे ?, आलावणबंधे जण्णं तणभाराण वा कट्टभाराण वा पत्तभाराण वा पलालभाराण वा बेलभाराण वा बेतलयाबागरवरत्तरज्जुवल्लिकुसदच्भमादिएहिं आलावणबंधे समुप्पन जहन्त्रेणं अंतोमुद्दत्तं उक्कोसेणं संखेज्जं कालं, सेत्तं आलावणचंधे से किं तं अलियावणबंधे ?, अलियावणबंधे चउव्विहे पं० तं०-लेसणाचंधे उच्चयबंधे समुच्चयबंधे साइणणाबंधे से किं तं लेसणाबंधे ?, जन्नं कुड्डाणं कोट्टिमाणं खंभाणं पासायाणं कट्टाणं चम्माणं घडाणं पढाणं कढाणं छुहाचिक्खिहसिलेसलक्खमहु सित्थमाइएहिं लेसणएहिं बंधे समुप्पज्जइ जहन्नेणं अंतोमुहुत्तं उक्कोसेणं संखेजं कालं, सेत्तं लेखणाबंधे से किं तं उच्चयबंधे १, २ जन्नं तणरासीण वा कहरासीण वा पत्तरासीण वा तुसरासीण वा भुसरासीण वा गोमयरासीण वा अवगररासीण वा उच्चत्तेणं बंधे समुप्पज्जइ जहनेणं अंतोमुडुत्तं उकोसेणं संखेज्जं कालं, सेत्तं उच्चयबंधे से किं तं समुच्चयबंधे ? २ जन्नं अगडतडागनदीदहवाबी पुक्खरिणीदीहियाणं गुंजालियाणं सराणं सरपंतिआणं सरसरपंतियाणं बिलपतियाणं देवकुलसभापवधूभखाइयाणं फरिहाणं पागारट्टालगचरियदारगोपुरतोरणाणं पासायघरसरणलेणआवणाणं सिंघाडगतियचउकचच्चरच उम्मुहमहापहमादीणं छुहाचिक्खिलसिलेससमुचएणं बंधे समुप्पज्जइ जहन्नेणं अंतोमुहुत्तं उक्कोसेणं संखेज्जं कालं, सेत्तं समुच्चयबंधे से किं तं साहणणाबंधे १, २ दुविहे पं० तं०-देससाहणणाबंधे य सव्वसाहणणाबंधे य, से किं तं देससाहणणाबंधे १, २ जन्नं सगडरहजाणजुग्गगिल्लिथिलिसीयसंमाणियालोहीलोहकडाहकडुच्छुआसणसयणखंभभंडमत्तोवगरणमाईणं देससाहणणाबंधे समुप्पज्जइ जहन्नेणं अंतोमुद्दत्तं उकोसेणं संखेज्जं कालं, सेत्तं देससाहणणाबंधे से किं तं सव्वसाहणणाबंधे १, २ खीरोदगमाईणं, सेत्तं सव्वसाहणणाबंधे, सेत्तं साहणणाबंधे, सेत्तं अलियावणबंधे से किं तं सरीरबंधे १, २ दुविहे पं० [सं० पुय्वष्पओगपचइए य पप्पन्नप्पओगपञ्चइए य, किं तं पुच्वपयोगपचइए ?, २ जन्नं नेरइयाइयाणं संसारवत्थाणं सव्वजीवाणं तत्थ २ तेसु २ कारणेसु समोहण्णमाणाणं जीवप्पदेसाणं बंधे समुप्पज्जइ सेत्तं पुव्वपयोगपञ्चइए, से किं तं पप्पन्नप्पयोगपच्चइए १, २ जन्नं केवलनाणिस्स अणगारस्स केवलिसमुग्धाएणं समोहयस्स तओ समुग्धायाओ पडिनियत्तेमाणस्स अंतरा मंथे वट्टमाणस्स तेयाकम्माणं बंधे समुष्पज्जइ, किं कारणं ?, ताहे से पएसा एगत्तीगया भवंतित्ति, सेत्तं पहुष्पन्नपयोगपच्चइए, सेत्तं सरीरबंधे से किं तं सरीरप्पयोगबंधे १, २ पंचविहे पं० तं० ओरालियसरीरप्पओगबंधे वेडव्वियसरीरप्पओगबंधे आहारगसरीरप्पओगबंधे तेयासरीरप्पयोगबंधे कम्मासरीरप्पयोगबंधे, ओरालियसरीरप्पयोगबंधे णं भंते! कतिविहे पं० १, गोयमा ! पंचविहे पं० तं० एगिंदियओरालियमरीरप्पयोगबंधे बंदियओ० जान पंचिंदियओरालियसरीरप्पयोगगंधे, एगिंदियओरालियसरीरप्पयोगबंधे णं भंते! कतिविहे पं० १, गोयमा ! पंचविहे पं० नं० पुढचिकाइयएगिंदिय० एवं एएणं अभिलावेण भेदो जहा ओगाहसंठाणे ओरालियसरीरस्स तहा भाणियन्वो जाव पजत्तगन्भवतियमणुस्सर्पचिदियओरालियसरीरप्पयोगबंधे य अपजत्तगब्भवकंतियमणूसजावबंधे य, ओरालियसरीरप्पयोगबंधे णं भंते! कस्स कम्मस्स उदएणं ?, गोयमा! वीरियसजोगसहव्वयाए पमादपञ्चया कम्मं च जोगं च (प्र० रूवं च भवं च आउयं च पहुच ओरालियसरीरप्पयोगनामकम्मस्स उदएणं ओरालियसरीरप्पयोगबंधे, एगिंदियओरालियसरीरप्पयोगबंधे णं भंते! कस्स कम्मस्स उदएणं ? एवं चेव, पृढविकाइयएगिंदियओरालियसरीरप्पयोगबंधे एवं चेव, एवं जाव वणस्सइकाइया, एवं बेइंदिया एवं तेइंदिया एवं चउरिंदिया तिरिक्खजोणियपंचिंदियओगलिय सरीरप्पयोगबंधे णं भंते! कस्स कम्मस्स उदरणं ?. एवं चेव, मणुस्सर्पचिंदियओरालियसरीरप्पयोगबंधे णं भंते! कस्स कम्मस्स उदरणं ?, गोयमा ! वीरियसजोगसद्दव्ययाए पमादपच्या जाब आउयं च पहुच मणुस्मपंचिंदियओरालियसरीरप्पयोगनामाए कम्मस्स उदएणं, ओरालियसरीरप्पयोगबंधे णं भंते! किं देसबंधे सव्वबंधे ?, गोयमा ! देसबंधेऽवि सव्यबंधेऽवि, एगिंदियओरालियसरीरप्पयोगबंधे णं भंते! किं देसंबंधे सव्वबंधे ? एवं चेव, एवं पुढवीकाइया एवं जाब मणुस्सपंचिंदियओरालियसरीरप्पयोगबंधे णं भंते! किं देसबंधे सव्वबंधे ?, गोयमा ! देसबंधेऽवि सव्वबंधेऽवि, ओरालियसरीरप्पयोगबंधे णं भंते! कालओ केवश्चिरं होइ ?, गोयमा! सव्वबंधे एकं समयं देसबंधे जहन्नेणं एवं समयं उक्कोसेणं तिन्नि पलिओदमाई समयऊणाई, एगिंदियओरालियसरीरप्पयोगबंधे णं भंते! कालओ केवचिरं होइ ?, गोयमा! सव्वबंधे एकं समयं देसबंधे जहन्नेणं एवं समयं उकोसेणं बावीस वाससहस्साई समऊणाई, पुढवीकाइयएगिंदियपुच्छा, गोयमा ! सय्वबंधे एवं समयं देसबंधे जहन्नेणं खुड्डागभवग्गहणं तिसमयऊणं उक्कोसेणं बावीस वाससहस्साइं समऊणाई, एवं सव्वेसिं सव्वबंधो एक समयं देसबंधो जेसिं नत्थि वेउब्वियसरीरं तेसिं जहन्नेणं खुड्डागं भवम्गहणं तिसमयऊणं उकोसेणं जा जस्स ठिती सा समऊणा कायव्वा, जेसिं पुण अत्थि वेउब्वियसरीरं तेसि देसबंधो जहन्नेणं एकं समयं उक्कोसेणं २३८ श्रीभगवत्यंग संत
मुनि दीपरत्नसागर