Aagam Manjusha 05 Angsuttam Mool 05 Bhagavati

Author(s): Anandsagarsuri, Sagaranandsuri
Publisher: Deepratnasagar

Page 227

य.
य आलोयणारिहे चेव । तत्तो सामायारी पायच्छित्ते तवे चैव ॥ १०३ ॥ कइविहा णं भंते! पडिसेवणा पं० १. गोयमा ! दसविहा पडिसेवणा पं० तं० दप्प प्पमादणाभोगे आउरे आवतीति य। संकिये सहसकारे भय प्पओसा य वीमंसा १० ॥ १०४॥ दस आलोयणादोसा पं० तं० 'आकंपइत्ता अणुमाणइत्ता जं दिहं वायरं च सुहुमं वा छन्नं सदाउलयं बहुजण अव्वत्त तस्सेवी १० ॥ १०५ ॥ दसहि ठाणेहिं संपन्ने अणगारे अरिहति अत्तदोसं आलोइत्तए, तं० जातिसंपन्ने कुलसंपन्ने विषयसंपन्ने णाणसंपन्ने दंसणसंपन्ने चरितसंपन्ने खंते दंते अमायी अपच्छातावी १०, अट्टहिं ठाणेहिं संपन्ने अणगारे अरिहति आलोयणं पडिच्छित्तए तं० आयारचं आहारखं वबहारवं उब्बीलए पकुब्वए अपरिस्सावी निज्जवए अवायदंसी ८। ८०० | दसविहा सामायारी पं० नं० इच्छा मिच्छा तहकारे, आवस्सिया य निसीहिया । आपुच्छणा य पडिपुच्छा, छंदणा य निमंतणा ॥ १०६ ॥ उवसंपया १० य काले सामायारी भवे दसहा ।८० १| दसविहे पायच्छित्ते पं० तं० आलोयणारिहे पडिकमणारिहे तदुभयारिहे विवेगारिहे विउस्सग्गारिहे तवारिहे छेदारिहे मूलारिहे अणवट्टप्पारिहे पारंचियारिहे । ८०२॥ दुविहे तवे पं० तं० बाहिरए य अभितरए य से किं तं बाहिरए तवे ? २ छब्बिहे पं० तं०- अणसण ऊणोयरिया भिक्खायरियां य रसपरिचाओ। कायकिलेसो पडिलीणया य बज्झो तवो होइ ॥ १०७ ॥ से किं तं अणसणे १, २ दुविहे पं० तं० इत्तरिए य आवकहिए य, से किं तं इत्तरिए १, २ अणेगविहे पं० तं० चउत्थे भत्ते छुट्टे भत्ते अट्टमे भत्ते इसमे भत्ते दुवालसमे भत्ते चोदसमे भत्ते अद्धमासिए भत्ते मासिए भत्ते दोमासिए भत्ते जाब छम्मासिए भत्ते, सेत्तं इत्तरिए से किं तं आवकहिए १, २ दुविहे पं० तं० पाओवगमणे य भत्तपञ्चकखाणे .से किं तं पाओवगमणे १, २ दुविहे पं० तं०-नीहारिमे य अणीहारिमे य नियमं अपडिकम्मे, से तं पाओवगमणे, से किं तं भत्तपञ्चक्खाणे १, २ दुविहे पं० तं०-नीहारिमे य अनीहारिमे य नियमं सपडिकम्मे, सेत्तं भत्तपञ्चक्खाणे, सेत्तं आवकहिए, सेत्तं अणसणे से किं तं ओमोयरिया १, २ दुविहा पं० तं० दव्वोमोयरिया य भावोमोयरिया य से किं तं दब्बो मोयरिया १, २ दुबिहा पं० तं०-उवगरणदव्वोमोयरिया य भत्तपाणदव्वोमोयरिया य से किं तं उवगरणदव्वोमोयरिया १, २ एगे वत्थे एगे पादे चियत्तोवगरणसातिजणया, सेतं उबकरणदव्वोमोय०, से किं तं भत्तपाणदव्वोमोयरिया ?, अडकुक्कुडिअंडगप्पमाणमेत्ते कवले आहारं आहारेमाणस्स अप्पाहारे दुबालस जहा सत्तमसए पढमोद्देसए जाव नो पकामरसभोतीति वक्तव्वं सिया, सेत्तं भत्तपाणदव्वोमोयरिया, सेत्तं दव्बोमोयरिया से किं तं भावोमोयरिया १, २ अणेगविहा पं० तं० अप्पकोडे जाव अप्पलोभे अप्पसदे अप्पझन्झे अप्प तुमतुमे, सेत्तं भावोमोदरिया, सेतं ओमोयरिया से किं तं भिक्खायरिया १, २ अणेगविहा पं० तं० दव्वाभिग्गह चरए जहा उववाइए जाव सुदेसणिए संखादत्तिए, सेत्तं भिक्खायरिया, से किं तं रसपरिचाए १, २ अणेगविहे पं० तं०- निव्विगितिए पणीयरसविवज्जए जहा उववाइए जाव गृहाहारे, सेत्तं रसपरिच्चाए से किं तं कायकिलेसे १, २ अणेगविहे पं० तं०. ठाणादीए उक्कुडयासणिए जहा उपवाइए जाब सव्वगायपडिकम्मविष्यमुक्के, सेत्तं कायकिलेसे से कि तं पडिसंलीणया १, २ चउब्विहा पं० तं० इंदियपडिलीणया कसायपडिसंलीणया जोगपडिलीणया विचिनसयणासणसेवणया से किं तं इंदियपडिसंलीणया १, २ पंचविहा पं० तं० सोइंदियविसयप्पयारणिरोहो वा सोइंदियविसयप्पत्तेसु वा अत्थेसु रामदोसविणिग्गहो वा चक्खिदियविसय एवं जाव फासिंदियविसयपयारणिरोहो वा फासिंदियविसयप्पत्तेसु वा अत्थेसु रागदोसविणिग्गहो वा सेत्तं इंदियपडिलीणया से कि तं कसायपडिलीणया ?, २ चउब्विा पं० तं०- कोहोदयनिरोहो वा उदयप्यत्तस्स वा कोहस्स विफलीकरणं एवं जाय लोभोदयनिरोहो वा उदयपत्तस्स वा लोभस्स विफलीकरणं, सेत्तं कसायपडिसंलीणया, से कि जोगपडिलीणया १, २ तिविहा पं० तं० अकुसलमणनिरोहो वा कुसलमणउदीरणं वा मणस्स वा एगत्ती भावकरणं अकुसलवइनिरोहो वा कुसलवइउदीरणं वा वइए वा एगतीभावकरणं, से किं तं कायपडिलीणया १, २ जन्नं सुसमाहियपसंतसाहरियपाणिपाए कुम्मो इव गुत्तिदिए अडीणे पडणे चिह्नति, सेत्तं कायपडिसंलीणया, सेत्तं जोगपडिलीणया, से कि तं विवित्तसयणासण सेवणया १, २ जनं आरामेसु वा उज्जाणेसु वा जहा सोमिलद्देसए जाब सेज्जासंथारगं उवसंपज्जित्ताणं बिहरइ, सेत्तं विवित्तस्यणासणसेवणया, सेत्तं पडिलीणया, सेतं बाहिरए तबे से किं तं अभितर तवे ? २ छव्विहे पं० नं० पायच्छित्तं विणओ वेयावचं सज्झाओ झाणं विउस्सग्गो से किं तं पायच्छित्ते १ २ इसविहे पं० तं०-आलोयणारिहे जाव पारंचियारिहे, सेतं पायच्छित्ते से कि तं विणए ? २ सत्तविहे पं० तं० नाणविणए दंसणविणए चरितविणए मणविणए वयविणए कार्याविणए लोगोवयारविणए से किं तं नाणविणए १, २ पंचविहे पं० तं० आभिणिवोहियनाणविणए जाय केवलनाणविणए, सेत्तं नागविणए से किं तं दंसणविणए १. २ दुविहे पं० तं० सुस्सूसणाविणए य अणच्चासादणाचिणए य से किं तं सुस्मृसणाविणए १, २ अणेगविहे पं० तं० सकारेइ वा सम्माणेइ वा जहा चोदसमसए ततिए उद्देसए जाव पडिसंसाहणया, सेन्तं मुस्सूसणाविणए से किं तं अणश्चासायणाविणए १, २ पणयालीसइविहे पं० तं० अरिहंताणं अणच्चासादणया अरिहंतपन्नत्तस्स धम्मस्स अणचा आयरियाणं अणच्चा उवज्झायाणं अणचा थेराणं अणचा कुलस्स ३८३ श्रीभगवत्यं सतर
मुनि दीपरत्नसागर