Aagam Manjusha 05 Angsuttam Mool 05 Bhagavati

Author(s): Anandsagarsuri, Sagaranandsuri
Publisher: Deepratnasagar

Page 228

अणच्चा० गणस्स अणच्चा० संघस्स अणच्चा० किरियाए अणच्चाः संभोगस्स अणच्चा० आभिणिबोहियनाणस्स अणच्चा० जाव केवलनाणस्स अणच्चा०, एएसिं चेव भत्तिबहुमाणेणं एएसिं चेव वनसंजलणयाए, सेत्तं अणच्चासायणयाविणए, सेत्तं दंसणविणए, से किं तं चरितविणए १, २ पंचविहे पं० तं० सामाइयचरित्तविणए जाब अहक्खायचरित्तविणए, सेतं चरितविणए से किं तं मणविणए १, २ दुविहे पं० तं० पसत्थमणविणए य अपसत्थमणविणए य, से किं तं पसत्थमणविणए १, २ सत्तविहे पं० तं० अपावए असावजे अकिरिए निरुवक्केसे अणण्हवकरे अच्छविकरे अभूयाभिसंकणे, सेन्तं पसत्यमणविणए, से किं तं अपसत्थमणविणए १, २ सत्तविहे पं० तं० पावए सावज्जे सकिरिए सउवकेसे अण्हवयकरे छविकरे भूयाभिसंकणे, सेत्तं अपसत्यमणविणए, सेत्तं मणविणए, से किं तं वइविणए १, २ दुविहे पं० तं० पसत्यवइविणए य अपसत्यवइविणए य से किं तं पसत्यवइविणए १, २ सत्तविहे पं० तं०- अपावए जाव अभूयाभिसंकणे, सेत्तं पसत्यवइविणए, से किं तं अपसत्यवइविणए १, २ सत्तविहे पं० तं० पावए सावजे जाव भूयाभिसंकणे, सेत्तं अपसत्यवयविणए, सेत्तं वयविए, से किं तं कायविणए १. २ दुविहे पं० तं० पसत्यकायविणए य अप्पसत्थकायविणए य, से किं तं पसत्थकायविणए १, २ सत्तविहे पं० तं० आउत्तं गमणं आउत्तं ठाणं आउत्तं निसीयणं आउत्तं तुट्टणं आउत्तं उल्लंघणं आउत्तं पल्लंघणं आउत्तं सब्बिदियजोगजुंजणया, सेत्तं पसत्थकायविणए, से किं तं अप्पसत्यकायविणए १, २ सत्तविहे पं० तं० अणाउत्तं गमणं जाव अणाउत्तं सव्विंदियजोगजुंजणया, सेत्तं अप्पसत्थकायविणए, सेत्तं कायविणए, से किं तं लोगोवयारविणए १, २ सत्तविहे पं० तं० अग्भासवत्तियं परच्छंदाणुवत्तियं कज्जहेऊ कयपडिकतिया अन्तगवेसणया देसकालण्णया सब्वत्थेसु अप्पडिलोमया, सेत्तं लोगोवयारविणए, सेत्तं विणए, से किं तं वेयावचे १, २ दसविहे पं० तं० आयरियवेयावचे उवज्झायवेयावच्चे थेरवेयावच्चे तवस्सीवेया० गिलाणवेयाः सेहवेया० कुलवेया० गणवेया० संघवेया० साहम्मियवेयावचे, सेत्तं वेयावच्चे से किं तं सज्झाए १, २ पंचविहे पं० तं० वायणा पडिपुच्छणा परियट्टणा अणुप्पेहा धम्मकहा, सेतं सज्झाए । ८०३। से किं तं झाणे १, २ चउब्विहे पं० तं० अट्टे झाणे रोदे झाणे धम्मे झाणे सुके झाणे, अट्टे झाणे चउब्बिहे पं० सं०अमणुन्नसंपयोगसंपत्ते तस्स विप्पयोगसतिसमन्नागए यावि भवइ मणुन्नसंपओगसंपत्ते तस्स अविप्पयोगसतिसमन्नागए यावि भवइ आयंकसंपयोगसंपउत्ते तस्स विप्पयोगसतिसमन्नागए यावि भवइ परिझुसियकामभोगसंपयोगसंपत्ते तस्स अविप्पयोगसतिसमन्नागए यावि भवइ, अट्टस्स णं झाणस्स चत्तारि लक्खणा पं० तं० कंदणया सोयणया तिप्पया परिदेवणया, रोद्दज्झाणे चउव्विहे पं० तं०-हिंसाणुबंधि मोसाणुबंधि तेयाणुबंधि सारक्खणाणुबंधि, रोहस्स णं झाणस्स चत्तारि लक्खणा पं० तं० ओस्सन्नदोसे बहुलदोसे अण्णादोसे आमरणन्तदोसे, धम्मे झाणे चउव्विहे चउप्पडोयारे पं० तं० आणाविजए अवायविजए विवागविजए संठाणविजए, धम्मस्स णं झाणस्स चत्तारि लक्खणा पं० तं० आणाकई निसग्गरुई सुत्तरुई ओगाढरुई, धम्मस्स णं झाणस्स चत्तारि आलंबणा पं० तं० वायणा पडिपुच्छणा परियहणा धम्मकहा, धम्मस्स णं झाणस्स चत्तारि अणुप्पेहाओ पं० तं०एगत्ताणुप्पेहा अणिचाणुप्पेहा असरणाणुप्पेहा संसाराणुप्पेहा, सुक्के झाणे चउब्विहे चउप्पडोयारे पं० सं० पुडुत्तवियके सवियारी एगत्तवियक्के अवियारी सुद्दमकिरिए अनियही समोच्छिन्नकिरिए अप्पडिवाई, सुकस्स णं झाणस्स चत्तारि लक्खणा पं० तं० खंती मुत्ती अज्जवे मदवे, सुकस्स णं झाणस्स चत्तारि आलंबणा पं० तं० अब्बहे असंमोहे विवेगे विउस्सग्गे, सुक्कस्स णं झाणस्स चत्तारि अणुप्पेहाओ पं० तं० अणंतवत्तियाणुप्पेहा विप्परिणामाणुप्पेहा असुभाणुप्पेहा अवायाणुप्पेहा, सेत्तं झाणे । ८०४ । से किं तं चिउस्सगे १, २ दुबिहे पं० तं ० दव्वविउस्सग्गे य भावविउस्सग्गे य से किं तं दव्वविउस्सग्गे ? २ चउव्विहे पं० तं० गणविउस्सग्गे सरीरविउस्सग्गे उबहिविउस्सग्गे भत्तपाणविउस्सग्गे, सेत्तं दव्वविउस्सग्गे, से किं तं भावविउस्सग्गे १, भावविउस्सग्गे तिविहे पं० तं० कसायविउस्सग्गो संसारविउस्सग्गो कम्मविउस्सग्गो से किं तं कसायविउस्सग्गे १, २ चउब्बिहे पं० तं०- कोहविउस्सग्गे माणविउस्सग्गे मायाविउस्सग्गे लोभविउस्सग्गे, सेत्तं कसायविस्सग्गे से किं तं संसारविउस्सग्गे १, २ चउब्विहे पं० तं० नेरइयसंसारविउस्सग्गे जाव देवसंसारविउस्सग्गे, सेत्तं संसारविउस्सग्गे, से किं तं कम्मविउस्सग्गे १, २ अट्टविहे पं० तं० णीणावरणिजकम्मविउस्सग्गे जाव अंतराइयकम्मविउत्सग्गे, सेत्तं कम्मविउस्सग्गे, सेत्तं भावविउस्सग्गे, सेत्तं अभितरिए तवे । सेवं भंते!२ । ८०५॥ श० २५३० ७ ॥ रायगिहे जाव एवं क्यासी नेरइया णं भंते! कहं उववजंति ?, गोयमा ! से जहानामए-पवए पवमाणे अज्झवसाणनिव्वत्तिएण करणोवाएणं सेयकाले तं ठाणं विप्पजहित्ता पुरिमं ठाणं उवसंपज्जित्ताणं विहरइ एवामेव एएऽवि जीवा पवओविव पवमाणा अज्झवसाणनिव्वत्तिएणं करणोवाएणं सेयकाले तं भवं विष्पजहित्ता पुरिमं भवं उवसंपज्जित्ताणं विहरन्ति, तेसिं णं भंते! जीवाणं कहं सीहा गती कहं सीहे गतिविसए पं०१, गोयमा ! से जहानामए-केई पुरिसे तरुणे बलवं एवं जहा चोद्दसमसए पढमुद्देसए जाव तिसमइएण वा विग्गहेणं उववजंति, तेसिं णं जीवाणं तहा सीहा गई तहा सीहे गतिविसए पं०, ते णं भंते! जीवा कहं परभवियाउयं पकरेंति ?, गोयमा ! अज्झवसाणजोगनिव्वत्तिएणं करणोवाएणं एवं खलु ते जीवा परभवियाउयं पकरेंति, तेसिं णं भंते! जीवाणं कहं गती पवत्तइ ?, गोयमा ! आउक्खएणं भवक्खएणं ठिइक्खएणं, एवं (९६) ३८४ श्रीभगवत्यं सतं
मुनि दीपरत्नसागर