Aagam Manjusha 05 Angsuttam Mool 05 Bhagavati

Author(s): Anandsagarsuri, Sagaranandsuri
Publisher: Deepratnasagar

Page 160

जेणेव ममं अंतिए तेणेव उवा ० वंदति० त्ता सयमेव पंच महव्वयाई आरुभेति ता समणा य समणीओ य खामेति त्ता आलोइयपडिकंते समाहिपत्ते कालमासे कालं किया उड्ढ चंदिमसूरियजावआणयपाणयारणकप्पे वीईवइत्ता अच्चुए कप्पे देवत्ताए उववने, तत्थ णं अत्थेगतियाणं देवाणं बावीसं सागरोवमाई ठिती पं० तत्थ णं सुनक्खत्तस्सवि देवस्स बावीसं सागरोवमाई से जहा सव्वाणुभूतिस्स जाव अंतं काहिति । ५५८। एवं खलु देवाणुप्पियाणं अंतेवासी कुसिस्से गोसाले नाम मंखलिपुत्ते से णं भंते! गोसाले मंखलिपुत्ते कालमासे कालं किच्चा कहिं गए कहिँ उबवन्ने ?, एवं खलु गोयमा ! ममं अंतेवासी कुसिस्से गोसाले नामं मंखलिपुत्ते समणघायए जाव छउमत्थे चेव कालमासे कालं किच्चा उद्धं चंदिम जाव अच्चुए कप्पे देवत्ताए०, तत्थ णं अत्थेगः देवाणं बाबीसं सा० ठिती पं० तत्थ णं गोसालस्सवि देवस्स बाबीसं सा० ठिती पं० से णं भंते! गोसाले देवे ताओ देवलोगाओ आउ० जांब कहिं उपवज्जिहति ?, गोयमा ! इहेब जंबुद्दीवे २ भारहे वासे विंझगिरिपायमूले पुंडेसु जणवएस सयदुवारे नगरे संमुतिस्स रनो मदाए भारियाए कुच्छिसि पुत्तत्ताए पञ्चायाहिति, से णं तत्थ नवहं मा बहुप० जाव बीतिकंताणं जाव सुरूवे दारए पयाहिति, जं स्यणिं च णं से दारए जाइहिति तं स्यणिं च णं सयदुवारे नगरे सम्भितर बाहिरिए भारग्गसो य कुंभसोय पउवाले य रयणवासे य वासे वासिहिति, तए णं तस्स दारगस्स अम्मापियरो एक्कारसमे दिवसे वीतिकंते जाव संपत्ते बारसाहे दिवसे अयमेयारूवं गोण्णं गुणनिष्पन्नं नामधे काहिंति जम्हाणं अहं इमंसि दारगंसि जायंसि समाणंसि सयदुवारे नगरे सम्भितरबाहिरिए जाव रयणवासे बुद्धे तं होउ णं अम्हं इमस्स दारगस्स नामधेचं महापउमे २, तर णं तस्स दारगस्स अम्मापियरो नामधेज्जं करेहिंति महापउमोत्ति, तए णं तं महापउमं दारगं अम्मापियरो सातिरेगडवासजायगं जाणित्ता सोभणंसि तिहिकरणदिवसनक्खत्तमुद्दत्तंसि महया २ रायाभिसेगेणं अभिसिंचेहिंति से णं तत्थ राया भविस्सति महयाहिमवंतमहंतवचओ जाव विहरिस्सइ, तए णं तस्स महापउमस्स रनो अन्नदा कदायि दो देवा महट्टिया जाव महे सक्खा सेणाकम्मं काहिंति, तं० पुनभद्दे य माणिभद्दे य, तए णं सयदुवारे नगरे बहवे राईसरतलवरजावसत्यवाप्पभिईओ अन्नमन्नं सदावेहिंति ता एवं बदेहिंति जम्हा णं देवाणुपिया ! अम्हं महापउमस्स रनो दो देवा महढिया जाव सेणाकम्मं करेंति तं० पुन्नभद्दे य माणिभद्दे य, तं होउ णं देवाणुप्पिया ! अम्हं महापउमस्स रनो दोच्चेऽवि नामधेचे देवसेणे २. तए णं तस्स महापउमस्स रनो दोच्चेऽवि नामधेजे भविस्सति देवसेणाति २, तए णं तस्स देवसेणस्स रनो अन्नया कयाई सेते संखतलविमलसन्निगासे चउदंते हस्थिरयणे समुप्पज्जिस्सइ, तए णं से देवसेणे राया तं सेयं संखतलविमलसन्निगासं चउदंतं हत्थिरयणं दुरूढे समाणे सयदुवारं नगरं मज्झमज्झेणं अभिक्खणं २ अतिजाहिति निज्जाहिति य, तए णं सयदुवारे नगरे बहवे राईसरजावपभिईओ अन्नमन्नं सहावेंति ता वदेहिंति जम्हा णं देवाणुप्पिया! अम्हं देवसेणस्स रन्नो सेते संखतलविमलसन्निकासे चउदंते हत्थिरयणे समुप्पन्ने तं होउ णं देवाणुप्पिया! अम्हं देवसेणस्स रन्नो तच्चेऽवि नामधेजे विमलवाहणे २, तए णं तस्स देवसेणस्स रन्नो तच्चेऽवि नामभेजे विमलवाहणाति २, तए णं से विमलवाहणे राया अन्नया कदायि समणेहिं निमांथेहिं मिच्छं विप्पडिवज्जिहिति अप्पेगतिए आउसेहिति अप्पेगतिए अवहसिहिति अप्पेगतिए निच्छोडेहिति अप्पेगतिए निग्भत्थेहिति अप्पेगतिए बंधेहिति अप्पेगतिए णिरुमेहिति अप्पेगतियाणं छविच्छेदं करेहिति अप्पेगतिए पमारेहिइ अप्पेगतिए उद्दवेहिति अप्पेगतियाणं वत्थं पडिग्गहं कंबलं पायपुंछणं आच्छिदिद्दिति विच्छि दिहिति भिंदिहिति अवहरिहति अप्पेगतियाणं भत्तपाणं वोच्छिदिहिति अप्पेगतिए णिनगरे करेहिति अप्पेगतिए निव्विसए करेहिति, तए णं सयदुवारे नगरे बहवे राईसर जाव वदिहिंति एवं खलु देवाणु ! विमलवाहणे राया समणेहिं निग्गंथेहिं मिच्छं विप्पडिवने अप्पेगतिए आउस्सति जाव निव्विसए करेति तं नो खलु देवाणुप्पिया! एवं अम्हं सेयं नो खलु एयं विमलवाहणस्स रनो सेयं नो खलु एवं रजस्स वा रटुस्स वा बलस्स वा वाहणस्स वा पुरस्स वा अंतेउरस्स वा जणवयस्स वा सेयं जण्णं विमलवाहणे राया समणेहिं निग्गंधेहिं मिच्छं विप्पटिव, तं सेयं खलु देवाणुप्पिया! अम्हं विमलवाहणं रायं एयमहं विनवित्तएत्तिकट्टु अन्नमनस्स अंतियं एयम पडिसुर्णेति त्ता जेणेव विमलवाहणे राया तेणेव उवा० त्ता करयलपरिग्गहियं विमलवाहणं रायं जपणं चिजएणं वदावेति ता एवं वदंति एवं खलु देवाणु०! समणेहिं निग्गथेहिं मिच्छं चिप्पडिवना अप्पेगतिए आउस्संति जाव अप्पेगतिए निव्विसए करेंति, तं नो खलु एयं देवाणुप्पियाणं सेयं नो खलु एयं अम्हं सेयं नो खलु एवं रजस्स वा जाव जणवयस्स वा सेयं जं णं देवाणुप्पिया! समणेहि निम्गंथेहिं मिच्छविप्पडिवनातं विरमंतु णं देवाणुप्पिया! एअस्स अट्ठस्स अकरणयाए, तर णं से विमलवाहणे राया तेहिं बहूहिं राईसरजावसत्थवाहप्पभिईहिं एयमहं विन्नत्ते समाणे नो धम्मोति नो तवोत्ति मिच्छाविणएणं एयमहं पडिसुणेहिति तस्स णं सयदुवारस्स नगरस्स बहिया उत्तरपुरच्छिमे दिसीभागे एत्थ णं सुभूमिभागे नाम उज्जाणे भविस्सइ सब्वोउय बन्नओ, तेणं कालेणं॰ विमलस्स अरहओ पउप्पए सुमंगले नाम अणगारे जाइसंपन्ने जहा धम्मघोसस्स बन्नओ जाव संखित्तविउलतेयलेस्से तिन्नाणोवगए सुभूमिभागस्स उज्जाणस्स अदूरसामंते छछट्टेणं जाव आयावेमाणे विहरिस्सति, तए णं से विमलवाहणे राया अन्नया कदायि रहचरियं काउं निज्जाहिति, तए णं से विमलवाहणे राया सुभूमिभागस्स उज्जाणस्स (७९) ३१६ श्रीभगवत्यं तं १५
मुनि दीपरत्नसागर