Aagam Manjusha 05 Angsuttam Mool 05 Bhagavati

Author(s): Anandsagarsuri, Sagaranandsuri
Publisher: Deepratnasagar

Page 119

देवि वाहिं इठाहिं कंवाहिं जाब दोम्बंपि तचपि अणुबूहइ, तए णं सा पभावती देवी बलस्स रन्नो अंतियं एयमट्ठे सोच्चा निसम्म हट्ठट्ठ० करयल जाव व्यासी- एयमेयं देवाणुपिया ! जाव तं सुविणं सम्मं पडिच्छति ता बलेणं रन्ना अन्भणुन्नाया समाणी नाणामणिरयणभत्तिचित्त जाव अम्भुट्ठेति अतुरियमचल जाय गतीए जेणेव सए भवणे तेणेच उबागच्छता सयं भवणमणुपविट्ठा, तए णं सा पभावती देवी व्हाया कयबलिकम्मा जाव सव्वालंकारविभूसिया तं गर्भं गाइसीएहिं नाइउण्हेहिं नाइतित्तेहि नाइकडएहिं नाइकसा एहिं नाइअंबिलेहिं नाइमहुरेहि उउभयमाणसुहेहिं भोयणच्छायणगंधमाडेहिं जं तस्स गन्भस्स हियं मितं पत्थं गन्भपोसणं तं देखे य काले य आहारमाहारेमाणी विवित्तमउएहिं सयणासणेहिं पइरिकसुहाए मणाणुकूलाए बिहारभूमीए पसत्थदोहला संपुन्नदोहला सम्माणियदोहला अविमाणियदोहला वोच्छिन्नदोहला ववणीयदोहला ववगयरोगसोगमोहभयपरिनासा तं गम सुसुणं परिवहति (आसयइ सयइ चिट्ठद्द निसीयइ तुयहह पा० ) । तए णं सा पभावती देवी नवण्डं मासाणं बहुपडिपुन्नाणं अलमाण राइंदियाणं वीतिताणं सुकुमालपाणिपायं अहीणपडि पुन्नपंचिदियसरीरं लक्खणवंजणगुणोववेयं जाब ससिसोमाकारं केलं पियदंसणं सुरूवं दारयं पयाया, तए णं तीसे पभावतीए देवीए अंगपडियारियाओ पभावतिं देवि पसूयं जाणेत्ता जेणेव बले राया तेणेव उवागच्छन्ति त्ता करयल जाव बलं रायं जपणं विजएणं वद्धावेति त्ता एवं वयासी एवं खलु देवाणुप्पिया! पभावती देवी नव मासाणं बहुपडिपुण्णाणं जाव दारयं पयाया तं एयष्णं देवाणुप्पियाणं पियट्टयाए पियं निवेदेमो पियं मे भवउ, तए णं से बले राया अंगपडियारियाणं अंतियं एयम सोच्चा निसम्म हट्ट जाव धारायणीवजावरोमकुवे तासिं अंगपडियारियाणं मउडवलं जहामालियं ओमोयं दलेति ता सेतं रययामयं विमलसलिलपुन्नं भिंगारं च गिव्हइ ता मत्थए धोवइ ता चिउलं जीवियारिहं पीइदाणं दलयति त्ता सकारेति सम्माणेति त्ता पडिविसजेति । ४२७ । तए णं से बले राया कोटुंत्रियपुरिसे सद्दावेइ त्ता एवं क्यासी- खिप्यामेव भो देवाणुप्पिया ! हरियणापुरे नयरे चारगसोइणं करेद्द त्ता माणुम्माणवड्ढणं करेह त्ता हरियणापुरं नगरं सम्भितरबाहिरियं आसियसंमजिओवलितं जाव करेह कारवेह त्ता य जूयसहस्सं वा चकसहस्सं वा पूयामहामहिमसकारं वा उस्सवेह ता ममेतमाणत्तियं पञ्चप्पिणह, तए णं ते कोटुंबियपुरिसा बलेणं रन्ना एवं वृत्ता जाव पञ्चप्पिणंति, तए णं से बले राया जेणेव अट्टणसाला तेणेव उवागच्छति सा तं चेय जाब मज्जणघराओ पडिनिक्खमइ, तते गं से बले राया कोहुंचियपुरिसे सहावेइ त्ता एवं वयासी खिप्पामेव भो ! देवाणुप्पिया ! हत्यिणापुरं नगरं उस्सुकं उकरं उकि अदि अमिजं अभडप्पवेसं अदंडकोडंडिमं अधरिमं गणियावरनाडइज्जकलियं अणेगतालाचराणुचरियं अणुद्धयमुइंगं अमिलायमलदामं पमुइयपक्कीलियं सपुरजण जाणवयं (विजयवेजइयं पा० ) दस दिवसे ठिइवडियं करेह, तए णं से बले राया दसाहियाए ठिइवडिबाए वह्माणीए सइए य साहस्सिए य सयसाहस्सिए य जाए य दाए व भाए य दलमाणे य दवावेमाणे य सए य साहस्सिए य सयसाहस्सिए य लंभे पढिच्छेमाणे पडिच्छात्रेमाणे एवं च णं विहरइ, तए णं तस्स दारगस्स अम्मापियरो पढमे दिवसे ठिइवडियं करेंति तइए दिवसे चंदसूरदंसणियं करेंति छट्ठे दिवसे जागरियं करेंति एकारसमे दिवसे वीतिते निव्वत्ते असुइजायकम्मकरणे संपत्ते बारसाहदिवसे विउलं असणं पाणं खाइमं साइमं उवक्खडाविंति ता जहा सिवो जाव खत्तिए य आमंतेति ता तओ पच्छा व्हाया कय० तं चैव जाथ सकारेंति सम्मार्णेति त्ता तस्सेव मित्तणाति जाव राईण य खत्तियाण य पुरओ अजयपज्जयपिउपज्जयागयं बहुपुरिसपरंपरप्परूद्धं कुलाणुरूवं कुलसरिसं कुलसंताणतंतुवदणकरं अयमेयारूवं गोनं गुणनिष्पन्नं नामधेनं करेंति- जम्हा णं अम्हें इमे दारए चलस्स रनो पुत्ते पभावती देवीए अत्त तं होउ णं अम्हं एयस्स दारगस्स नामधेजं महम्बले, तर णं तस्स दारगस्स अम्मापियरो नामधेनं करेंति महम्बलेत्ति, तए णं से महम्बले दारए पंचधाईपरियाहिए, वं० खीरधाईए एवं जहा दढपइले जाव निवायनिव्वाघायंसि सुहंसुहेणं परिवति, तए णं तस्स महम्बलस्स दारगस्स अम्मापियरो अणुपुब्वेणं ठितिवडियं वा चंदसूरदेसावणियं वा जागरियं वा नामकरणं वा परंगामणं वा पयचंकमणं वा जेमामणं वा पिंडवदणं वा पेजपावणं वा कण्णवेणं वा संवच्छरपडिलेहणं वा चोलोयणगं च उवणयणं च अन्नाणि य बहुणि गन्भाधाणजम्मणमादियाई कोउयाई करेंति, तए णं तं महब्बलं कुमारं अम्मापियरो सातिरेगट्ठवासगं जाणित्ता सोभणंसि तिहिकरणमुहुत्तंसि एवं जहा दढप्पइन्नो जाव अलं भोगसमत्थे जाए यावि होत्या, तए णं तं महच्चलं कुमारं उम्मुकबालभावं जाव अलं भोगसमत्थं विजाणित्ता अम्मापियरो अटु पासायवडेंसए करेंति ता अम्भुम्गयमूसियपहसिए इव वनओ जहा रायप्पसेणइज्जे जाव पडिरूवे, तेसिं णं पासायवडेंसगाणं बहुमज्झदेसभागे एत्थ णं महेगं भवणं करेंति अणेगखंभसयसंनिविटं वज्ञओ जहा रायप्पसेणइज्जे पेच्छाघरमंडबंसि जाब पडिरूवे । ४२८। तए णं तं महावलं कुमारं अम्मापियरो अन्नया कयात्रि सोमणंसि तिहिकरणदिवसनक्खत्तमुडुत्तंसि व्हायं कयबलिकम्मं कयकोउयमंगलपायच्छतं सब्वा लंकारविभूसियं पमक्खणगण्हाणगीयवाइयपसाहणहंगतिलगकंकणअविश्ववहुउवणीयं मंगलसुजपिएहि य वरकोउयमंगलोवयारकयसंतिकम्मं सरिसयाणं सरित्तयाणं सरिव्वयाणं २७५ श्रीभगवत्यं सतं - ११
मुनि दीपरत्नसागर