Rajasthani Sahitya Sangraha 02

Author(s): Purushottamlal Menariya
Publisher: Rajasthan Prachyavidya Pratishthan Jodhpur

Page 40

वात देवजी बगडावतारी
[७ आपरयां दावड्यां ले आया। आंणि ऊभ्यां कीयां । ताहरां इयै उवां छोकरयां महा १३ टाळियां । बीज्यां मूंगां पुसी भराय नै छोडि दीयो । कह्यौ जावौ । मैं थांसु काम कोई नहीं।
ताहरां बांमण दौडीयौ। कह्यौ मैं वेद भणीयौ हुतौ। सु मोनुं ही काई दे। ताहरां वाघो बोलीयौ। कह्यौ झै १३ छै। ईयां महा एक तूं लै टाळिनै। ताहरां ईयै बांभण एक जाइनै फूटरी देषिनै टाळि लीधी। बांभण षोडो हुतौ तिकै प्रांणिनै घर वासी । पछ उवा जातरी ढेढणी हुई। तीयैरै पेटरा गरुडा हूवा । ढेढांरा गुरु हूवा । ईये बारह १२ परणी। तीयांरा बेटा २४ हूवा । झै वधीया घणा हूवा।
हिवै ईयै वाघेरा बेटा २४ हुवा छै। सु ईयारी सगाई कोई न करै । ताहरां राजा कन्है गया । जाइ राजासु अरज की । महाराजा म्हांसुं सगाई कोई न करै। ताहरां राजा सिंगळानुं पूछीयौ । सु कहै। ईयांसुं सगाई कहै न करां । ताहरां राजा गूजर तेडीया। कह्यौ ईयांन बेटयां द्यौ। ताहरां अ बेटी न दे। ताहरां राजा जोर घालीयौ । कह्यौ ईयांनु परणावौ छोडुं नहीं। __ ताहरां गूजरां हाकारो भणीयौ । कह्यौ रे एक छोरू11 मरि जावै छै । राजा कहै छै तौ परणावौ । ताहरां कह्यौ जी परणाविस्यां। ताहरां राजा गूजर छाडीयां। पछै वघडावतांसुं गूजरां सगायां
१. ऊभ्यां कीयां - खड़ी की। २. मूगां'''भराय नै - मूंगे (एक प्रकारका रस्म) हाथों में दे कर । ३. फूटरी-- सुन्दर। ४. घर वासी - घर में बसाया। ५. ढेढणी - एक प्रकारको पिछड़ी जातिको ! ६. कन्है - पास, समीप । ७. सिंगळांगें - सभीको। ८. गूजर - गूजर, एक जाति जो मुख्यतः कृषि और पशुपालनका कार्य करती है। ६. जोर घालीयो-जोर डाला, दबाव डाला। १०. हाकारो भरणीयौ - स्वीकार किया। ११. छोरू - बालक । १२. सगायां - विवाह-सम्बन्ध ।