________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir 11 खाज्या, एकदर हाताने चांगली कुसकरून पिळून पाणी काढून टाकावें. नंतर मीठ पाव तोळा,ओल्या मिरच्या अर्धा तोळा, कोथिंबीर अर्धा तोळा एकत्र हाताने चिरडून काकडीस लावावें, किंवा मिरच्यांचे ऐवजी एक तोळा मोहऱ्या पाणी घालून पाट्यावर वांटून त्या लावून अतपाव दह्यांत कालवून वाढावी. केळ्यांची को०.-दोन पिकलेली केळी घेऊन वरील सालपटें काढून त्यांच्या चिरून चकत्या कराव्या. नंतर त्यांत अर्धा तोळा साखर, तीन मासे मोहऱ्या पाण्यांत बारीक वाटून, आणि त्या बेताने दही घालून सर्व चांगले एकजागी करून ती कोशिंबीर वाढावी. ___ खोबऱ्याची को०.---नारळाचे ओले खोबरे किंवा सुके खोबरें किसून ती केळ्याचे कोशिंबिरीप्रमाणे करावी. गाजराची को०.-पावशेर गाजरें किसून त्यांत किंचित मीठ घालून कुसकरून पाणी पिळून टाकावे. नंतर मीठ अर्धा तोळा, मोहरी पाण्यांत वाटलेली पाव तोळा, हिंग दोन गुंजा एकंदर अतपाव दह्यांत कालवून वाढावी. दाळीची को.-हरबऱ्याची डाळ अतपाव ऊन पाण्यांत थोडा वेळपर्यंत भिजत घालून, नंतर आंतील पाणी निथळून त्यांत किंचित् हळदीची पूड, तिखट, मीठ, खोबऱ्याचा कीस, हिंग, जिरें यांची बारीक पूड, हे पदार्थ नेमस्त घालून त्यास हिंग मोहया घालून तेलाची फोडणी द्यावी व दाळीवर एक लिंबाचा रस पिळावा नंतर वाढावी. पेरूची को-पेरूच्या बारीक फोडी चिरून त्याची कोशिंबीर वरील केळ्याचे काशिंबिरीप्रमाणे करावी. मुळ्याची को–मुळे किसून पाणी पिळून टाकावे. नंतर त्यांत दही व मीठ नेमस्त घालून वाढावी. खाज्या. सर्व कति करंज्यांप्रमाणे; परंतु खाली एक व वर एक अशा दोन For Private And Personal Use Only
