________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir चटण्या, निमे तांदूळ व निमी दाळ भाजावी. नंतर सर्व एकत्र करून बारीक दळावे. आदले दिवशी अतपाव लोणी भिंतीवर मारून त्याजवर पान लावून ठेवावें, दुसरे दिवशी ते लोणी त्या पिठांत घालावे. त्या शिवाय मीठ दीड तोळा, हिंग दीडमासा, जिऱ्याची पूड अधा तोळा, मियावरील फोल काढून त्याची पूड अर्धा तोळा एकत्र कालवून ते दुधांत कालवावे. थोडें घट्ट करावे. नंतर साच्यांत तें पीठ घालून वर मुसळाने दावून वाटोळ्या कडबोळ्या सारख्या कराव्या. त्याचे आंगास कांट्यासारखें किंवा तीन पेडी दोरी सारखें वळ दिसू लागतात नंतर त्या चकल्या तळून काढाव्या. चिकवड्या. तांदुळ धुवून वाळवून दळून बारीक पीठ करावे. त्यांत मीठ' मियाची पूड, व हिंग हे पदार्थ नेमस्त घालून एका भांड्यांत पाण्याचे आधण चुलीवर ठेवावे. नंतर त्या आधणांत हे पीठ पाण्यांत कालवून ओतावे व चांगले घोटून वर झाकण ठेवावें पिठल्यासारखें घट्ट होऊन वाफ आली ह्मणजे ते खाली उतरून त्याचे लहान लहान गोळे करून वाळवावे. व वाढतेवेळी तेलांत तळून वाढाव्या. चटण्या. उडदाची च०.-उडदाची दाळ खरपूस भाजून त्यात मीठ, मिरच्या, हिंग हे पदार्थ नेमस्त घालून पाट्यावर पाणी घालून बारीक वांटावी. नंतर दह्यांत कालवून वाढावी. ___ आंब्याची च०.-आंब्याचा कीस 10 तोळे घेऊन पिळून त्याचे पाणी काढून टाकावे. नंतर हिंग, जिरे, मीठ तिखट, हळद हे For Private And Personal Use Only
