________________ Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir भाज्या. करडईची भा०-करडईचे पाल्याची भाजी हारबऱ्याचे भाजीसारखी करावी. करटोल्यांची भा०- ही भाजी कारल्यांच्या कोरड्या भाजीप्रमाणे जाणावी. कारल्यांची भा०-कोवळी कारली घेऊन त्यांच्या वाटोळ्या चकत्या चिरून आंतील बिया काढून टाकाव्या. याप्रमाणे आच्छेर कारली घेतल्यास त्यास एक तोळा मीठ लावून त्या चांगल्या हाताने चुरून त्याचें कडु पाणी पिळून काढावे. नंतर परातीत घेऊन त्याजवर सहामासे मीठ, एक तोळा मसल्याचे तिखट, एक मासा हाळद व दोन तोळे खोबऱ्याचा कीस घालून हाताने ती भाजी सारखी करावी. नंतर दोन तोळे तेल पळीत घेऊन त्यांत फोडणीचे मिसळण घालून किंवा पातेल्यांत फोडणी पक्की करून त्यांत ती तयार केलेली भाजी टाकावी. आणि परतून परतून चुरचुरीत झाली ह्मणजे काढावी. कारलीं मसाल्याची-आच्छर चांगली कारली आणून ती सगळ्या वांग्यांसारखी चिरून त्यांतील सर्व बिया काढून टाकाव्या. नंतर त्यांत एक तोळा मीठ भरून फडक्यांत पुरचुंडी बांधून वजनदार दगडाखाली दाबून ठेवावी. काही वेळाने ती काढून त्यांतील पाणी पिळून काढावे. नंतर दोन तोळे मसाला पाट्यावर घालावा आणि त्यांजवर पाउण तोळा मीठ घालून थोडा पाण्याचा हापका मारून बारीक वाटावा.नंतर कल्हईच्या भांड्यात घालून त्यांत दीड तोळा चिंचेचा कोळ एक रुपायाभार गूळ घालून एक जागी करून कारल्यांत भरण्यासारखा मसाला पातळ होई असे पाणी कालवून कारल्यांत भरावा. नंतर दोन तोळे तेल, दोन मासे फोडणीचे मिसळण, चार गुंजा हिंग व चार गुंजा हाळद घालून फोडणी करावी. ती खरपूस झाली ह्मणजे त्या फोडणीचे पातेल्यांत ती कारली घालून पातेलें आसडावे. नंतर त्यांत सहा मासे कोथिंबीर चुरून टाकावी व एक तोळा खोबऱ्याचा कीस व पांच तोळे पाणी घालावें. आणि मंदाग्नि लावून वर पाण्याचे भरलेले भांडे झांकण ठेवावे. थोड्या वेळाने शिजलीं ह्मणजे झांकण काढून अंगाबरोबर आंतील रस आहे तोच ती भाजी उतरून ठेवावी. For Private And Personal Use Only
