________________ Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir भात. होऊन जातो. याप्रमाणे चार कट येऊन गेल्यावर भात निखाऱ्यांवर ठेवावा. नंतर पुन्हां पावशेर तूप त्या भातावर ओतावे. आणि झाकण ठेवावें, ह्मणजे चांगला मोकळा भात होतो. तो तयार झाल्यावर पावशेर खडीसाखरेचा भरडा व दोन तोळे वेलदोड्याचे दाण्याची बारीक केलेली पूड वर घालून भात वाढावा. यास साखरभातही ह्मणतात. खिचडी-शेरभर तांदूळ चांगले सडलेले घेऊन त्यांत मुगाची दाळ पाउणशेर घालावी. नंतर दोन्हीही एकत्र करून धुवावी व त्याचे दुप्पट पाण्याचे आधण ठेवून नंतर वांगीभाताचा मसाला सांगितला आहे त्यांतून कोळसा खेरीज करून बाकी सर्व मसाला त्याच कृतीने तयार करून खिचडीस कढ येण्याचे सुमारास आंत घालावा व दुसरा कढ येण्याचे सुमारास आच्छेर तूप आंत घालावे व बोटचेपी झाल्यावर उतरून निखाऱ्यांवर ठेवून पुन्हां पावशेर तूप फोडणीस ठेवून त्यांत हिंग चार गुंजा व मोहोन्या दोन मासे घालून त्या निखाऱ्यांवर ठेवलेले खिचडीस फोडणी देऊन झांकण ठेवावे. नंतर एक नारळ किसून घालून वाढावी. प्रकार दु०-एकशेर तांदूळ पाउणशेर मुगाची दाळ धुऊन घेऊन त्यास खोबरें आतपाव, लवंगा एक तोळा, मिरी एक तोळा, जिरे एक तोळा, हिंग तीन मासे व हाळद तीन मासे. हे जिन्नस पूड व भरडा करून ठेवावे. खोबरें तळून भरडा करावा. नंतर आतपाव तूप फोडणीस ठेवून त्यांत मोहऱ्या व हिंग घालून तांदूळ व दाळ एकत्र केलेली त्यांत ओतावी. नंतर वरील प्रमाणे तयार केलेला मसाला त्यांत घालावा आणि कढ आल्यावर छटाक मीठ घालून थोडी बोटचेपी झाली ह्मणजे पावशेर तूप आंत घालून निखान्यांवर काढून ठेवावी. बाकी सर्व कृति वरप्रमाणे करावी. गव्हल्यांचा भा०-आच्छर गव्हले घेऊन तितकेंच दुसरे भां. ब्यांत पाण्याचे आधण ठेवावे. नंतर पावशेर तूप तिसऱ्या भांड्यात घालून तापवून त्यांत गव्हले घालावे आणि आसडावे. नंतर पूर्वी ठेवलेलें आधण त्यांत ओतावे व चांगली पांढरी साखर आंत एकशेर घालावी. नंतर बदामाचे गोळे आतपाव व बेदाणा आतपाव हे दोन पदार्थ आंत घालावे. For Private And Personal Use Only
