________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir मालपुवा. येणेप्रमाणे जिन्नस साखरेत मिळवून पुन्हां पाट्यावर चांगले बारीक वाटून तयार करून ठेवावे. रवा चांगला पाउणशेर, पावशेर पिठी, एक तोळा मीठ आंत घालून पाण्याने कालवून नंतर परातीत घेऊन वरचेवर पाण्याचा हात लावून तिंबून चांगले मऊ करून ठेवावे. नंतर मातीचा डेरा त्यास चुना लावून चुलीवर पालथा ठेवावा व चिखलाने चुलीस व डे. याचे तोंडास संधीलेप करावा. नंतर तूप चार तोळे, एक तोळा साखर आणि एक तोळा पीठी हे तिन्ही पदार्थ एकत्र करून फेंसून तयार के लेले रव्यास लावावे व लिंबाएवढ्या गोळ्या दोन घेऊन त्यांमध्ये पुरणाची गोळी ठेवून बोटाने सभोवती चपून तांदूळाचे पिठीत घोळून पोळपाटावर लाटून तयार झाल्यावर हातावर घेऊन त्यांची पिठी झाडून डे. यावर टाकून परतावा व सभोवती दोन दोन बाटें दुमडून नंतर एकच मोठी घडी करून भिंतीशी अगर दोन लांकडांवर ठेवावा ह्मणजे निवतांच फुगतो. याप्रमाणे शेराचे बारा मांडे होतात. - मालपुवा. एक शेर गव्हाचा रवा घेऊन त्यांत छटाक तूप व चार तोळे तांदुळाचे पीठ घालून पाण्याने किंवा दुधाने भिजवावा. व क्षणभर थांबून पाट्यावर खूप कुटावा. नंतर पुन्हां दोन तोळे तूप एक तोळा तांदुळाचें पीठ परातीत फेंसून लावावे. नंतर निंबा एवढ्या गोळ्या करून पिठीत चांगली जितकी पातळ लाटवेल तितकी लाटून एक तयार करून ठेवावी. नंतर एक शेर साखर, खोबऱ्याचा कीस अर्धा शेर भाजून कुटलेला, एक तोळा वेलदोड्याची पूड, हे तिन्ही एकत्र करून ठेवावे. नंतर तयार करून ठेवलेली एक पोळी तव्यावर घालावी. खाली मंदाग्नि लावावा. पोळीवर तप लावावे आणि तीन जिन्नस तयार करून ठेवलेले मूठभर घेऊन तव्यावरील पोळीवर घालून सारखें तिजवर दुसरी पोळी घालावी आणि परतावी. नंतर तिजवर तसेच तूप घालून वरील साखर For Private And Personal Use Only
