________________ Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir भाज्या. केळफुलाची भाजी.--केळफूल आणून वरील तांबड्या पाऱ्या काढून टाकाव्या. नंतर आंतील (फूलांतील)दांडा जाड असतो तो व पांढरी पाकळी काढून टाकुन चांगले बारीक चिरून सुमारे अर्धार घ्यावी व ती तशीच पाण्यांत कांहीवेळ भिजत ठेवावी. भिजल्यानंतर पिळून घेऊन पुन्हां त्यांत पावशेर पाणी घालून शिजत ठेवावी. एक कढ आला ह्मणजे पिळून टाकावी. नंतर परातीत घेऊन त्या भाजीत मुगाची दाळ भिजवलेली आतपाव, चिंचेचा कोळ सहा मासे, एक तोळा मसाल्याचे तिखट, मीठ पाउण तोळा, खोबऱ्याचा कीस एक तोळा, कोथिंबीर चिरलेली सहा मासे व गुळाचे पाणी हा एकत्र कालवून तूप किंवा तेल एक रुपयाभार पातेल्यांत घालून त्यांत फोडणीचे मिसळण दोन मासे व हिंग एक गुंज घालून त्या पातेल्यांत ती भाजी फोडणीस टाकावी. नंतर परतून परतून तयार करावी. केळ्यांची भाजी.-हिरवीं केळी घेऊन त्यांजवरील साल काढून बारीक फोडी चिराव्या. त्या आच्छेर असल्यास भाजीचा मसाला एक तोळा व पाणी दोन तोळे घालावें. बाकीची सर्व कृति तांबडे भोपळ्याचे भाजीप्रमाणे करावी. कोबीचे कांद्याची भा०.-कोबीचा कांदा एक शेर चिरून ती भाजी धुऊन टाकावी. नंतर आतपाव हारबऱ्याची दाळ भिजलेली आंत मिळवून त्यांत दोन तोळे मसाल्याचे तिखट, दोन तोळे खोबऱ्याचा कीस आंत मिळवून नंतर सर्व कति तांबडे भोपळ्याचे भाजीप्रमाणे करावी. गवारीच्या शेगांची भाजी. ही भाजी घेवड्याचे भाजीप्रमाणे करावी. गाजराची भा०.--गाजराच्या चिरलेल्या फोडी एक शेर ध्याघ्या, व त्या पातेल्यांत फोडणीस टाकाव्या. नंतर मसाल्याचे तिखट दोन तोळे व मीठ दीड तोळा, खोबऱ्याचा कीस दोन तोळे आणि पाणी चार तोळे घालून मंदामि लावून शिजवावी. वरती झांकण ठेवावे. व शिजल्यानंतर खाली उतरून ठेवावी. घेवड्याची भा०.-घेवड्याच्या शेंगा चांगल्या कोवळ्या घेऊन For Private And Personal Use Only
