________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir भाज्या. निवडाव्या व एक शेर भाजीस दोन तोळे मसाला घालून दोन तोळे पाणी घालून बाकी सर्व कृति तांबडे भोपळ्याचे भाजीप्रमाणे करावी. गूळ मात्र घालू नये. घोसाळ्यांची भा०.-चोंसाळ्यांची साल काढून चिरून एक शेर फोडी घ्याव्या व त्यांत चार तोळे हारबऱ्याची दाळ भिजलेली घालावी आणि तांबडे तिखटाऐवजी दोन तोळे मसाला घालावा. गूळ घालू नये.वरकड सर्व कृति तांबडे भोपळ्याचे भाजीप्रमाणे करावी. घोळूची भा०..-घोळ कोवळी आणून निवडून बारीक चिरावी. ती एक शेर असल्यास हारबऱ्याची दाळ भिजलेली आतपाव घालावी व पावशेर पाणी घालून चुलीवर शिजत ठेवावी. त्यांतील दाळ थोडी मऊ झाली ह्मणजे त्यांत तीन तोळे चिंचेचा कोळ व एक तोळा गूळ आणि तीन ताळे हारबऱ्याचे दाळीचे पीठ सहा तोळे पाण्यांत कालवून हे सर्व पदार्थ आंत कालवावे, नंतर एक तोळा तांबडे तिखट व दोन तोळे मीठ घालून पुढे सर्वे कति आळवाचे भाजीप्रमाणे करावी. चवळीची भाजी.-चवळीचा कोवळा पाला आणून बारीक चिरून धूऊन नंतर उकडावा व पिळून काढावा. नंतर एकशेर पाल्यास भिजलेली हारबऱ्याची दाळ आतपाव घालून एक तोळा तांबडे तिखट, पाउण तोळा मीठ असे एकत्र करून सर्वांस फोडणी देऊन पातेल्यांत परतून परतून काढून ठेवावी. चंदनबटव्याची भा०-चोळूप्रमाणे भाजी करावी. चाकवताची भा०-चाकवताची भाजी बारीक चिरून धुऊन टाकावी. अशी एकशेर भाजी घेऊन तीत हारवयाचा दाळ भिजलेली आतपाव घालावी व पावशेर पाणी वालन चुलीवर शिजत ठेवावी. नंतर एक तोळा तांबडे तिखट व दीड तोळा मीठ घालावे. आंतील दाळ थोडी शिजली ह्मणजे पुढे सर्व कृति आळवाचे भाजीप्रमाणे करावी. आंवटा ऐवजी ताक चांगले आंबट घालून फोडणी द्यावी. ज्या वेळी चिंचेच्या ऐवजी ताक घालावयाचे त्यावेळी आंत गूळ घालू नये. For Private And Personal Use Only
