________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir तारफेणी. ठेवलेले पीठ परातीत घालून फेंसावे. दाट झाल्यास दूध किंवा पाणी घालून फेसावें. ते तार येई तोपर्यंत चांगले फेसावे. नंतर चुलीवर परात ठेवून त्यांत सव्वा शेर तूप घालावें. नारळी पात्रांत फेंसलेले पीठ घेऊन परातीत घालतांना पात्राचे बुडाचे भोंक झांकून धरून परातीत वाटोळे तीन वेढे होईपर्यंत घालून नंतर एक मधून उभी रेघ घालावी. या प्रमाणे परातीतील सात आठ जिलब्या झाल्या ह्मणजे परतून बाहेर काढून लागल्याच कच्चा पाक करून ठेविला आहे त्यांतून थोडा थोडा पाक वेगळा घेऊन पक्क करावा, आणि त्यांत त्या जिलब्या बुडवून काढन ठेवाव्या. जर जिलबीची नळी पोकळ न होईल तर पुन्हां तें पीठ तूप घालून फेंसावें. तूप फार झाले तर फुटते आणि मोहन कमी झाले असतां कडबोळ्या सारखें घट्ट होऊन नळी पडत नाही. याकरितां मोहन बेताने घालीत जावें. नळी पोकळ झाली ह्मणजे आंत पाक शिरून जिलबी चांगली होते. प्रकार ति..--गव्हांचा पांढरा शुभ्र रवा घेऊन दुधात भिजवून आंबट होई तोपर्यंत तसाच दाबून ठेवावा. पुन्हां दूध घालून परातीत फेसून सछिद्र नारळाचे पात्रांत घालून तापलेल्या तुपांत कडबोळ्या सारखी वाटोळी धार सोडून तळावी. नंतर बाहेर काढून साखरेच्या पात्रांत बुडवावी. ही धातुवद्धिकर, वृष्य, हृद्य, इंद्रियांना तृप्तिकारक व पुष्टि, कांति आणि बल यांना देणारी अशी आहे. तारफेणी. गव्हाचा रवा किंचित् मीठ घालून पाण्याने भिजवून कुदून कुटन तार येईपर्यंत मऊ करून ठेवावा. नंतर थिजलेले तूप परातीत घालून लोण्या सारखे होईपर्यंत फेसून ठेवावे. नंतर मऊ केलेल्या रव्याची गोळी घेऊन तिजला पाटावर दोहों हातांनी चोळून दोहों बाजूने बारीक सुते पाडावी आणि फेसाळलेले तूप हातास लावून ती सुते एके जागी घेऊन चौंगे करून त्यांजवर तूप लावून जानव्या सारखे फेरे For Private And Personal Use Only
