________________ Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir 24 पापड. लवंगा अर्ध तोळा घेऊन हे सर्वत्र तेलावर भाजून त्याची वस्त्रगाळ पूड करून ठेवावी. नंतर सुके खोबरें व हिंग भाजून कोथिंबीरीसहवर्तमान बारीक कुटून तयार करून ठेवावें व आच्छेर ओल्या मिरच्यांचे तुकडे व भिजलेल्या मेथ्या सहा तोळे तेलावर तळून त्याला हळद व मीठ लावून ठेवाव्या. नंतर गूळ व चिंचेचे पाणी हे शेरभर घेऊन त्यांत नेमस्त मीठ घालून कढवावे. नंतर त्यांत वर तयार करून ठेवलेले सर्व पदार्थ घालून एक अंगुळभर आटे तोपर्यंत कढवावें. नंतर हिंग घालून तेलाची फोडणी द्यावी. या प्रकारे केलेले पंचामृत पंधरा दिवस राहते. प्रकार 2 रा.-पावशेर ओल्या मिरच्या घेऊन त्यांचे तुकडे करावे. नंतर अर्ध तोळा मेथ्या व तीन मासे हळद हे दोन्ही तेलांत तळून काजळा सारखें बारीक वांटून नारळाच्या पाण्यांत घोळून तयार करावे. नंतर एक नारळाचा अंगरस व पाणरस तयार करून त्यांत मिरच्यांचे तुकडे फोडणीस टाकून त्यांत ते मसाल्याचे पाणी चिंच, हिंग व मीठ हे सर्व पदार्थ एकत्र करून त्यांत घालून त्या तयार फोडणीवर ओतावे. नंतर पळीने ढवळून क्षणभर शिजू द्यावे. नंतर नारळाचा अंगरस घालून क्षणभर वर झाकण ठेवून उतरावें. - पापड. उडदाची पांढरी केलेली दाळ सवाशेर घेऊन बारीक दळावी. त्यापैकी पांचवा हिस्सा पीठ वेगळे ठेवावें व एक शेराचे पिठांत जिऱ्याची पूड वस्त्रगाळ एक तोळा, हिंगाची पूड तीन मासे, पापडखाराची पूड एक तोळा मिरपूड दोन मासे तुरटी अर्धातोळा तांबडे तीखट वस्त्रगाळ केलेलें पांच तोळे व मीठ दहातोळे याप्रमाणे सर्व एकत्र करून केळीच्या पाण्यांत घट्ट कालवून थोडा तेलाचा हात लावून पाट्यावर चांगले कुटून सुपारी येवढाल्या गोळ्या कराव्या. व पूर्वी राखून ठेवलेले पीठ चांगलें खालवर घालून पाट्यावर पापड लाटून तयार करावे व उन्हांत वाळवून ठेवावे. नंतर तुपांत किंवा तेलांत तळावे. किंवा निखाऱ्यावर For Private And Personal Use Only
