________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir पोळ्या, बारीक पीठ करावे आणि त्यांत अष्टमांश तुपाचे मोहोन घालून दोहों हातांनी चांगले चोळून, नंतर पाणी घालून कालवून मध्यम पातळ करावे आणि मातीचे खापर चुलीवर ठेवून खालीं अग्नि मंद लावावा आणि ते खापर तापले ह्मणजे त्याच्या आंतून पुरचुंडीने राखेचे जाडपाणी लावून नंतर ते पीठ कालवून ठेवलेले अर्धे अगुंळ जाड पोळी होईल असे ओतावे. नंतर त्या पिठास छिद्रे पडली झणजे वर झाकण ठेवून थोडे वेळाने ती पोळी शिजली ह्मणजे उन असतांच साकर घातलेल्या दुधांत किंवा नारळाच्या रसांत सोडावी. ती सेवन केली असतां धातूची वृद्धि होते, व वृष्य, उष्ण, सम, व दुर्जर अशी आहे. ____ खोबऱ्याची पो०.-दोन नारळ फोडून किसावे व पावशेर तार्दूळ भिजवून किसांत मिळवून पाट्यावर वाटावे. वांटतांना थोडे थोडे पाणी घालीत जावे. नंतर गूळ अथवा साखर दीडशेर एका भांड्यांत घालून त्यांत सुमारे आच्छेर पाणी घालून चुलीवर शिजत ठेवावे. नंतर त्यांत एक तोळा वेलदोड्यांची पूड व एक तोळा मीठ वांटून तयार केलेला कीस आंत घालावा व हाटावें. कढ आल्यावर निखाऱ्यावर उतरून ठेवून वर झांकण ठेवावे. नंतर ते पुरण कणकीत घालून तो गोळा खसखशीत घोळून थोडी पिठी लावून लाटून पुरणाच्या पोळीप्रमाणे पोळ्या कराव्या. ___गुळाची पो०-अर्धाशेर कणीक घेऊन त्यांत दोन तोळे तूप व दोन तोळे तांदुळाची पिठी एकत्र करून पाणी घालून कालवून चांगली मळावी व न तिंबतां तशीच झांकून ठेवावी. नंतर त्याचे समभाग गूळ किंवा साखर घेऊन त्यांत वेलदोड्यांची पूड सहा मासे व खसखस आतपाव आणि हारबऱ्याचे दाळीचे पीठ भाजलेले छटाक आंत घालून एकत्र करून पाट्यावर बारीक वाटावे. नंतर त्यांत तीन छटाक तूप घालून कालवून गोळा करून ठेवावा. नंतर कणकीच्या दोन गोळ्या खालवर घालून त्यामध्ये तयार केलेला गूळ घालून पुरणपोळीप्रमाणे पोळी तयार करावी. किंवा तुपांत तळून काढावी. ती जड, वृष्य, धातुवृद्धिकर व वात पित्त यांचा नाश करिते. घडीची पो.-कणीक अगर रवा एक शेर घेऊन त्यांत एक For Private And Personal Use Only
