________________ Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir भरीत. टरबुजाचें भ०–टरबुजाच्या फोडींची साल काढून त्या न शिजवितां आळवाचे देंठीप्रमाणे सर्व पदार्थ घालून फोडणी देऊन तयार करावें. भेंडग्यांचे भ०—पावशेर चांगल्या कोवळ्या भेंड्या घेऊन निखान्यावर भाजून चांगल्या पुसाव्या. नंतर त्याचे देठ वगैरे काढून टाकावे. नंतर त्यांत एक तोळा हिरव्या मिरच्यांचा ठेचा आतपाव दहीं, दोन गुंजा हिंग आणि सहामासे मीठ हे पदार्थ घालून त्या भेंड्या चांगल्या हाताने कुसकरून चांगल्या सारख्या कराव्या. नंतर आळवाचे देठीप्रमाणे त्यास फोडणी द्यावी. भोपळ्याचे भ०-तांबड्या भोपळ्याच्या फोडी पावशेर चिरून चुलीवर शिजत ठेवून वर पाण्याने भरलेले भांडे झांकण ठेवावें. थोडे वेळाने फाडी शिजल्या ह्मणजे खाली उतरून निवाल्यावर कुसकरून त्यांत बारीक वांटलेली मोहरी तीन मासे, दहीं आतपाव, मीठ सहा मासे, तिखट दोन मासे, भाजक्या हिंगाची पूड दोन गुंजा याप्रमाणे पदार्थ घालून हाताने सर्व एकत्र करून त्यांस आळवाचे देंठीप्रमाणे फोडणी द्यावी. मिरच्यांचें भ०-दोन तोळे मिरच्या घेऊन त्यांस थोडा तुपाचा हात लावून निखाऱ्यावर भाजाव्या. व निवाल्या ह्मणजे देंठ काढून चांगल्या कुसकरून त्यांत दहीं छटाक, मीठ तीन मासे, भाजक्या हिंगाची पूड एक गुंज हे सर्व पदार्थ एकत्र करून सहा मासे तुपांत पांच गंजा जिरें घालून पळीत फोडणी तयार करून द्यावी. वांग्यांचें भ०-बंगाळी ह्मणजे मोठी वांगी अग्नीवर भाजून त्यांची वरील साल काढून टाकावी. अशी ती वांगी पावशेर असल्यास हिरव्या मिरच्यांचे तिखट सहामासे, मीठ सहामासे, भाजक्या हिंगाची पूड दोन गुंजा, चुरलेली कोथिंबीर सहा मासे पाहिजे असल्यास थोडा नारळाचा कीस आंत घालावा व आतपाव दही घालून आळवाचे देंठीप्रमाणे फोडणी देऊन सारखें करावें. For Private And Personal Use Only
