________________
કૂતરા, બલાડા, ભુંડ, વાઘ, સિંહ, સાપ, માછલી વગેરે તરીકેનો જન્મ મળે. • ' પોતાના મોત પહેલાં દરેક આત્મા પોતાનું નવા ભવનું આયુષ્ય અને પોતાની ગતિ નક્કી કરે છે, તે પ્રમાણેનું આયુષ્યકર્મ અને ગતિનામકર્મ બાંધે છે અને મર્યા પછી તરત તે જીવ પોતે બાંધેલા આયુષ્ય કર્મ અને ગતિનામકર્મ પ્રમાણે તે ગતિમાં જન્મ લે છે.
મર્યા પછી બીજો ભવ તરત જ મળે છે. એક ગતિમાંથી બીજી ગતિમાં જતાં જીવને ૧, ૨, ૩, ૪ કે વધુમાં વધુ પાંચ સમય લાગે છે. આ પાંચ સમય એટલે એક સેકંડના અબજમા ભાગ કરતાં ય ઘણો બધો નાનો ભાગ, આંખના પલકારામાં તો આવા અબજોના અબજો કરતાં વધારે સમય પસાર થઈ જાય તે પહેલાં તો તે આત્મા નવા ભવમાં ઉત્પન્ન થઈ ગયો હોય !
આપણે ત્યાં તો તે જીવ મર્યો છે કે જીવે છે? તેની ચકાસણી ચાલતી હોય ! કપાળ પર ઘીના લચકાં મૂકાતા હોય! નાકમાં રૂ મૂકાતું હોય! પલ્સ ચેક કરાતી હોય! તે પહેલાં તો તે જીવ બીજે ઉત્પન્ન પણ થઈ જાય !
આપણે તેને નવડાવીએ, સારા વસ્ત્રો પહેરાવીએ, સગા - સંબંધીઓને બોલાવીએ, બે - ચાર દિવસ માટે લોકોના દર્શનાર્થે તે મૃતકને કદાચ પડી પણ રાખીએ, તો શું ત્યાં સુધી તે આત્મા બીજ ઉત્પન્ન ન થાય? ના, એવું નથી. આપણે અહીં તેની સ્મશાનયાત્રા વહેલી કાઢીએ કે મોડી? તે જીવ તો તરત જ બીજ ઉત્પન્ન થઈ જ જાય! ત્યાં નવું શરીર ધારણ કરી દે. નવું જીવન તેનું શરુ થઈ જાય. આ નવી ગતિમાં લઈ જવાનું કામ તરત કરનાર છે આ ગતિનામકર્મ.
પેલો અયવંતી સુકુમાલ ! રાત્રિના સમયે પોતાના મહેલના સાઈડના ભાગમાં ઉતરેલાં મહાત્માઓના સ્વાધ્યાયનો ઘોષ સાંભળીને ચમક્યો. ““અરે ! આ હું શું સાંભળું છું? આવું તો મેં જાતે જ અનુભવ્યું લાગે છે. આ શેની વાત છે?”
તે પહોંચ્યો સાધુ મહાત્માઓ પાસે જઈને પૂછ્યું, “અરે ! મહાત્માઓ! આપ આ શેનું વર્ણન કરો છો? મને આપ સમજાવો ને!” - “આ તો નલિનીગુલ્મ વિમાનનું વર્ણન છે.” એમ કહીને મહાત્માઓએ નલિનીગુલ્મ વિમાન કેવું હોય? ત્યાંના દેવો કેવા હોય? તેમની ઉત્પત્તિ - જીવન વગેરેની વિગતથી વાત કરી.
તે સાંભળીને અયવંતી બોલ્યો, “ગુરુદેવ! આપ કહો છો તે વાત તદ્દન સાચી છે. આનલિની ગુલ્મ વિમાનમાં જ હું ગયા ભવમાં દેવ હતો. મેં પોતે આ બધું અનુભવ્યું , છે. શું મારા તે સુખના દિવસો હતા ! મારી ઈચ્છા તો અહીંથી પાછા ત્યાં જ - તે જ નલિનીંગુલ્મ વિમાનમાં જવાની છે. તો આપ મને એવો ધર્મ બતાવો કે જેથી મને પાછું
છે ૧૦ કલાક કર્મનું કમ્યુટર ભાગ-૩ માં
