________________
ય મહાપુરુષોનો ચરણસ્પર્શ કરવા પડાપડી થાય છે. આવી રીતે કોઈ માણસના પગ ગમે છે, સારા લાગે છે, તેમાં તેમના શુભનામકર્મનો પ્રભાવ છે. ' તે જ રીતે નાભીથી ઉપરના અવયવોમાં આંખ, નાક, મોટું, કાન વગેરે જે સુંદર લાગે છે, ગમે છે, તે જ અવયવો એફીડન્ટ કે રોગ વગેરેના કારણે જયારે બેડોળ કે કદરૂપા બની જાય ત્યારે અશુભ લાગવા માંડે છે. ગમતા નથી. જોવાનું મન પણ થતું નથી. ક્યારેક તો અરુચિ કે ગુસ્સો પેદા થાય છે. તેના તે અવયવો અશુભ લાગવામાં તે વ્યક્તિને થયેલો અશુભનામકર્મનો ઉદય કારણ બને છે.
આ દુનિયામાં એવા તો અનેકાનેક પ્રસંગો બન્યા કરે છે કે જેમાં શુભ – અશુભ નામકર્મોના વિપાકોની માહિતી ન હોવાથી અનેકોના જીવન નરક કરતાં ય બદતર બને છે. કૌટુમ્બિક જીવન છિન્નભિન્ન થઈ જાય છે. જીવન જીવવા કરતાં મોત વધારે મીઠું લાગે છે. ક્રોધનો દાવાનળ ભભૂકી ઊઠે છે કે ધિક્કાર - તિરસ્કારની આગ વછૂટે છે. જો આ બધું ન બનવા દેવું હોય તો કર્મ વિજ્ઞાનના ગણિતને બરોબર સમજી લઈને જીવનમાં આત્મસાત્ કરવું જોઈએ.
એક શ્રીમંત પરિવારની કન્યા મધ્યમવર્ગના છોકરા ઉપર પાગલ થઈ. તેના પ્રેમમાં પડવા પાછળનું મહત્ત્વનું કારણ હતું તે છોકરાનું રુપ. તેનો મોહક ચહેરો. તેનું આંખો - નાક તથા કાન દ્વારા સુશોભિત સુંદર મુખ. તેની પાછળ તે મુગ્ધ હતી. તેનો ચહેરો અતિશય ગમવાના કારણે તેણે કુટુંબીજનોની ઉપરવટ થઈને તેની સાથે પ્રેમ - લગ્ન પણ કર્યો.
પરંતુ તે છોકરાનો આ શુભનામકર્મનો ઉદય લાંબો ન ટક્યો. ફેક્ટરીમાં આગ લાગતાં તે દાઝી ગયો. ઉપચારો કરીને તેને બચાવી લેવામાં તો આવ્યો પણ તેનું મોઢું સાવ કદરૂપું થઈ ગયું. તેનો અશુભનામકર્મનો ઉદય થયો. તેની પાછળ પાગલ બનેલી તે પત્નીએ તેને સંભળાવી દીધું, “તારું મોઢું હવે મને જોવું પણ ગમતું નથી. હું તારી સાથે હવે રહી શકું તેમ નથી.”
જેની સાથે ઘર છોડીને પ્રેમલગ્ન કર્યા હતા, તે પતિને છોડીને તે કાયમ માટે પોતાના ઘરે ચાલી ગઈ!
લગ્ન જીવન માટે પસંદગીનું માધ્યમ કદી પણ રુપ કે રુપીયાને ન બનાવાય. આજે સામાન્યતઃ છોકરી છોકરાના રુપીયા સામે જુએ છે તો છોકરો છોકરીના પની સામે જુએ છે. પસંદગીના આ માધ્યમો સાવ ખોટાં છે, કારણકે આ બંને ચીજો કર્મોને આધીન છે. લાભાન્તરાય કર્મના ક્ષયોપશમે રુપીયા મળે અને શુભનામકર્મના ઉદયે પોતાનું રૂપ બીજાને સારું લાગે.
s ૯૮ હજાર કર્મનું કમ્યુટર ભાગ-૩ માં
