________________
પણ આ કર્મોના ઉદય વગેરે સદા એકસરખા રહેતા નથી. તેમાં જાતજાતના ફેરફાર થયા કરે છે. તેથી આ રુપ અને રુપીયાની પરિસ્થિતિમાં પણ ફેરફાર થતાં જ રહેવાના. પરિણામે ઈચ્છિત ૫ કે રુપીયા ચાલી જતાં તે વ્યક્તિ પ્રત્યે અણગમો થવાનો. ક્લેશ - કજીયા - કંકાસ શરુ થવાના. મીઠા સંબંધો વચ્ચે તિરાડ પડવાની. લગ્નજીવન છિન્નભિન્ન થઈ જવાનું. તેથી રુપ કે રુપીયાને માધ્યમ બનાવવાના બદલે ખાનદાની તથા સંસ્કારોને માધ્યમ બનાવવું ઉચિત જણાય છે. ઊંચી ખાનદાની અને સારા સંસ્કારોવાળી વ્યક્તિઓનો સંયોગ પ્રસન્નતાભર્યું જીવન બક્ષવામાં સહાયક બની શકે છે.
પશુ અને પક્ષીઓ બાબતમાં પણ તેમનો શુભ-અશુભ નામકર્મનો ઉદય ક્યારેક ઘણી ઉથલપાથલ મચાવતો હોય છે. શુભનામકર્મનો ઉદય ચાલતો હોય ત્યારે હાથી - ઘોડો, પોપટ, ગાય વગેરે આપણને જોવા જેવા લાગે. ગમવા લાગે. સરકસમાં ટોળેટોળા ઉમટે. પણ જ્યારે તેમનો અશુભનામકર્મનો ઉદય થાય ત્યારે તે જ હાથી-ઘોડા - ગાય દીઠાં પણ ન ગમે સુંદર મરોડદાર શિંગડું ગુમાવી બેઠેલી ગાયને પાંજરાપોળમાં મૂકવા જવાનું મન થઈ જાય!
શુભ -અશુભ કર્મના ઉદયે શરીરના અવયવો શુભ કે અશુભ લાગે છે. આમ જોઈએ તો આત્માને આની સાથે કાંઈ લેવા દેવા નથી! પણ જયાં સુધી આત્મા શરીરમાં છે, ત્યાં સુધી અવયવોનું શુભ – અશુભપણું આત્મામાં પણ આરોપાઈ જાય છે. તેના કારણે તે વ્યક્તિ પ્રત્યે ગમો કે અણગમો થયા કરે છે. આમ, કર્મોના કારણે આત્માએ ઘણીવાર સહવું પડે છે. “જમવામાં જગલો ને કુટાવામાં ભગલો' જેવી હાલત થાય છે. કર્મોના વાંકે સજા આત્માને ભોગવવી પડે છે. આ પરિસ્થિતિમાંથી મુક્ત થવા આત્માએ કર્મોને ખતમ કરવાનો પુરુષાર્થ સક્રિયપણે કરવો જોઈએ.
(૧૩-૧૪) સુભગ - દુર્ભગ નામકર્મઃ આપણે આપણી આસપાસ જોઈએ તો લાગે છે કે કેટલાક માણસો પરોપકારના અનેક કાર્યો કરતા હોય છે. સારા કામો પાછળ પોતાના તન – મન - ધન – જીવનનો પુષ્કળ ભોગ આપતા હોય છે. લોકો માટે મરી ફીટતા હોય છે. છતાં તેઓ લોકપ્રિય બની શકતા નથી. અરે ! ક્યારેક તો અપ્રિય કે અળખામણાં બને છે. એ જ રીતે કેટલાક માણસો કોઈ પણ પ્રકારનો પરોપકાર કરતા ન હોય, જરા ય ઘસાતા ન હોય, કોઈ સારા કાર્યો કરતા ન હોય છતાં ય લોકોને ખૂબ પ્રિય બનતા હોય છે, સારી લોકપ્રિયતા મેળવતા હોય છે. આની પાછળ દુર્ભગ નામકર્મ અને સુભગ નામકર્મ કારણ છે. આ નામકના પરિણામોની વાસ્તવિક જાણ ન હોવાથી સમાજમાં - દેશમાં જ
૯૯ જ કર્મનું કમ્યુટર ભાગ-૩ જ
આ
