________________
જ્યારે જ્યારે અનાદેય વગેરે પાપકર્મોનો ઉદય આવે ત્યારે ત્યારે સમતાભાવનો આશ્રય લઈને તેને મસ્તીથી સહન કરતા રહેવાનું. તે માટે વારંવાર જિનવચનોનું ચિંતન – મનન કરતાં રહેવાનું. તેમ કરવાથી આત્મામાં તે પાપોને સહવાની શક્તિ આવ્યા કરશે.
જો આપણા આત્માનો આદેય નામકર્મનો ઉદય ચાલતો હોય તો તેનો જેટલો આત્મિક લાભ ઊઠાવાય તેટલો ઉઠાવવાનો પ્રયત્ન કરવો જોઈએ. આદેય નામકર્મના ઉદયના પ્રભાવે જ્યારે આપણી વાત ઘણા લોકો માને છે, આદરપૂર્વક સ્વીકારે છે, ત્યારે આપણે અનેક જીવોને સરળતાથી ધર્મના માર્ગે લાવી શકીએ. મોક્ષ તરફ દોડતા કરી શકીએ. તેમને પાપોથી અટકવા તથા ધર્મ આદરવા પુષ્કળ પ્રેરણા કરી શકીએ.
આપણું આદેય નામકર્મ જોરમાં હોય તો આપણે શ્રીમંતોને દાન દેવાની પ્રેરણા કરવી જોઈએ. યુવાનો પાસે શીલ પાલન કરાવવું જોઈએ. લોકોને અનેક પ્રકારના તપમાં જોડવા જોઈએ. આત્મકલ્યાણની પ્રવૃત્તિઓ તરફ લોકોને વાળવા જોઈએ. હજારો પરાર્થના કાર્યો કરાવવા જોઈએ.
ના, આપણે આદેયના ઉદયમાં છકી ન જવું જોઈએ. મારું કહ્યું બધા માને છે તેથી મારો વટ પડે છે, તેવા અહંકારનો ભોગ ન બનવું જોઈએ. સ્વાર્થ પ્રેરિત જીવન જીવવા માટે આપણું ધાર્યું કરવા - કરાવવાનો પ્રયત્ન ન કરવો જોઈએ. આપણા સ્વાર્થને પોષવા બીજાઓને માયાજાળમાં ફસાવવાની કે હેરાન-પરેશાન કરવાની વૃત્તિ સ્વપ્નમાં પણ રાખવી ન જોઈએ.
ભૂતકાળના ઇતિહાસ તરફ નજર નાંખીશું તો જણાશે કે આદેય નામકર્મના ઉદયવાળા મહાપુરુષોએ લાખો લોકોને અહિંસક બનાવ્યા છે. ઘણાઓને નિર્બસની બનાવ્યા છે. સદાચારના આગ્રહી અને ધર્મના રક્ષકો બનાવ્યા છે. શ્રદ્ધાળુઓ, પવિત્રો અને ધર્માત્માઓનું તેમણે સર્જન કર્યું છે. તેમાંથી શીખીને આપણે પણ આદેયનામકર્મના ઉદયનો દુરુપયોગ ન કરતાં સારા કાર્યો કરવા જોઈએ. તેનાથી નવું આદેય નામકર્મ બંધાય છે. સારા કાર્યો કરવા - કરાવવાના ઉચ્ચતમ ભાવોમાં શ્રેષ્ઠ પુણ્યકર્મ બંધાય છે. તે પુણ્ય જ્યારે ઉદયમાં આવે છે ત્યારે વધારે સત્કાર્યો કરવાની શક્તિ મળે છે. તેવા અનુકૂળ સંયોગો પણ પ્રાપ્ત થાય છે. માટે જો આપણું વચન માન્ય બનતું હોય તો સ્વાર્થ માટે નહિ, પણ પરાર્થ માટે સતત તેનો ઉપયોગ કરવા પ્રયત્નશીલ બનવું જોઈએ. | જૈન ધર્મના સૂત્રો પાઠળ ઘૂઘવાટ કરી રહેલાં ઊંડા રહસ્યોને જાણવા સમજવા-માણવા
રહસ્યો ભાગ - ૧ - ૨ અવશ્ય વસાવો.
૧૦૯
કર્મનું કમ્યુટર ભાગ-૩
નું
