________________
ધર્મસ્થાનમાં અનેક વિપરીત -- પરિસ્થિતિઓ પેદા થાય છે. પરોપકાર કરવા છતાંય, બીજા ખાતર ઘસાવા છતાં ય, પુષ્કળ ભોગ આપવા છતાં ય જયારે દુર્ભગ નામકર્મના ઉદયે લોકપ્રિયતા મળતી નથી, બલ્વે લોકો નિંદા કરે છે, કટાક્ષ કરે છે, ખોટા આક્ષેપો કરે છે, ત્યારે પરોપકાર કરનારી વ્યક્તિ નિરાશામાં ડૂબી જાય છે, પરોપકારની પરબ બંધ કરી દે છે. સારા કાર્યો કરતી અટકી જાય છે. પણ આઉચિત નથી. દુર્ભગનામકર્મનો ઉદય દૂર થતાં પરિસ્થિતિ આખી પલટાઈ જશે. પણ તેથી કાંઈ આજે બધું બંધ કરી દેવાની જરુર નથી.
તે જ રીતે પરોપકાર કર્યા વિના, સારા કાર્યો આચર્યા વિના, કોઈ જાતનો ભોગ આપ્યા વિના (સુભગ નામકર્મના પ્રભાવે જયારે) લોકપ્રિય બની જવાય છે, ત્યારે તે માણસ ખોટા કામ કરવા પ્રોત્સાહિત થાય છે. તેનું જીવન ખોટા માર્ગે જવા લાગે છે. તે અહંકારમાં ચકચૂર બનતો હોય છે. આ પણ ઉચિત નથી.
દુર્ભગ નામકર્મના ઉદયે માણસ બીજાને પ્રિય નથી લાગતો. એ ઘરે કે દુકાને વગર બોલાયે આવી જાય તો કોઈને ગમતું નથી. એને આદર મળતો નથી. કોઈનો પ્રેમ, હુંફ, કે પોતાનાપણાની લાગણી તેને મળતી નથી. બધે અપ્રિયતા મળવાના કારણે આવા દુર્ભગ નામકર્મના ઉદયવાળા લોકો ભેગા થાય ત્યારે પોતાના મનનું દુઃખ વ્યક્ત કરતા હોય છે.
કોઈ કહે છે કે, “ઘરમાં અમે ગમે તેટલાં કામો કરીએ છતાં કોઈ કદર જ નથી. ધન્યવાદના બે શબ્દો પણ કોઈ બોલતું નથી.” કોઈ કહે છે કે, “સમાજના કોઈ કામ કરવાની જરૂર જ નથી. સંઘ કે સમાજના ગમે તેટલા કામો કરો, કોઈને તેની કોઈ કિંમત જ નથી. જ્યાં કદર ન હોય ત્યાં કામ કરવાનું શું પ્રયોજન છે?”
કોઈ કહે છે કે, “જાતે ઘસાઈને, આટ - આટલા કામો લોકોના કરું છું, છતાં કોઈ મારી સાથે મલકાઈને વાત કરવા પણ રાજી નથી, અરે કોઈ મને આવકારવા પણ તૈયાર નથી તો આપણે શું ભાંગ પીધી છે કે સ્વાર્થ છોડીને બધાના કામ કરવા? મૂકો પંચાત. હવે તો કોઈનું કાંઈ જ કરવું નથી. ઘર સંભાળીને બેસી રહીએ તો ય ઘણું.”
દુર્ભગ નામકર્મ કહે છે કે, “તમે સારા કાર્યો કરો કે ખરાબ કાર્યો કરો, દુર્ભાગ્યના વાદળો ઘેરાયેલાં જ રહેશે. તમે બધે અપ્રિય બન્યા જ કરશો પણ તેથી તમારે સારા કાર્યો કરવાના છોડી દેવાની જરુર નથી. બીજા પ્રત્યે અણગમો કે તિરસ્કાર કરવાની પણ જરૂર નથી.
તમારા કરાતાં સારા કાર્યો તમને નવું પુણ્ય બંધાવી જ રહ્યા છે. તેના ઉદયે તમને સારો લાભ મળવાનો જ છે. કોઈ ન આવકારે તેથી દુઃખી કે નારાજ થવાની જરુર
૧૦૦ કર્મનું કમ્યુટર ભાગ-૩
