________________
(૯) ધન ધન શ્રી અરિહંતને રે
(૧) તીર્થકર નામકર્મ મહાત્મા ગાંધીજીના પુત્ર દેવદાસ ગાંધીએ તે વખતના ખ્યાતનામ તત્ત્વચિંતક બર્નાડ શોને પત્ર લખીને પૂછ્યું હતું કે, “શું તમે પુનર્જન્મમાં માનો છો?” બર્નાડ શોએ જવાબ આપેલ, “હા! મરીને ફરીથી જન્મ લેવાનો છે તેમ હું માનું છું.” દેવદાસ ગાંધીએ પૂછ્યું, “જો મરીને ફરી જન્મ લેવાનો હોય તો તમે ક્યાં જન્મ લેવા ઈચ્છો છો?” બર્નાડ શો: “જો મારે મર્યા પછી ખરેખર જન્મ લેવાનો હોય તો હું હિન્દુસ્તાનમાં જૈન કુટુંબમાં જ જન્મ લેવા ઈચ્છું છું.”
દેવદાસ ગાંધી: “સમગ્ર વિશ્વમાં હિન્દુસ્તાનથી સમૃદ્ધ અને વિકસિત ઘણા દેશો છે, ત્યાં ક્યાંય નહિ ને હિન્દુસ્તાનમાં જ કેમ? વળી હિન્દુસ્તાનમાં પણ અનેક ધર્મોને પાળનારા કુટુંબો વસે છે, તો માત્ર જૈન કુટુંબમાં જ કેમ?”
બર્નાડ શો: “હું હિન્દુસ્તાનમાં જ, જૈન કુટુંબમાં જન્મ લેવા ઈચ્છું છું કારણકે મારે ભગવાન બનવું છે. દુનિયાના તમામ ધર્મોએ ભગવાન બનવાની મોનોપોલી કોઈ એક એક નિયત વ્યક્તિને આપી દીધી છે. તે સિવાયની અન્ય કોઈ પણ વ્યક્તિ તેમની માન્યતા પ્રમાણે ભગવાન બની શકતી નથી.
જ્યારે વિશ્વમાં એક માત્ર જૈનધર્મ જ એવો છે કે જેણે ભગવાન બનવાની મોનોપોલી કોઈ એક વ્યક્તિને આપી નથી. તેની માન્યતા પ્રમાણે કોઈ પણ આત્મા પરમાત્મા બની શકે છે. જે આત્મા સાધના કરીને પોતાના રાગ-દ્વેષનો સંપૂર્ણ ખાત્મો બોલાવે તે બધા આત્માઓ ભગવાન બની શકે છે. મારે પણ ભગવાન બનવું છે. માટે હું હિન્દુસ્તાનમાં જૈન કૂળમાં જન્મ લેવા ઈચ્છું છું.”
બર્નાડ શોની આ વાત જાણ્યા પછી આપણને આવા મહાન જૈનકુળમાં જન્મ થવા બદલ આનંદ થવો જોઈએ. ઘરની રૂમ બંધ કરીને, બરોબર પૂજી - પ્રમાર્જીને મન મૂકીને નાચવું જોઈએ. વળી, આવો મહાન ધર્મ પામવા છતાં હજુ સુધી તેને બરોબર ઓળખી ન શકવાના કારણે તેનો બરોબર લાભ ઊઠાવી શક્યા નથી તે બદલ આંખમાં આંસું પણ આવવા જોઈએ. હવે પછી આ જૈનધર્મને આત્મસાત કરીને ભગવાન બનવાનો પુરુષાર્થ આદરવો જોઈએ.
જૈનધર્મની માન્યતા પ્રમાણે જે જે આત્માઓ રાગ -દ્વેષનો સંપૂર્ણ ખાત્મો બોલાવે છે, તે બધા આત્માઓ મોક્ષમાં પહોંચે છે. બધા કમનો ક્ષય (નાશ) થવાથી તેઓ સિદ્ધ ભગવંત બને છે.
જ પ૮ કર્મનું કમ્યુટર ભાગ-૩ માં
