________________
છતાં ય લોકો તેને રોકી શકતા નથી. તેની ગેરહાજરીમાં બૂમાબૂમ કરવા છતાં ય તેની હાજરીમાં ચૂપ થઈ જાય છે.
ગુંડાઓ - લૂંટારાઓ વગેરે પરાઘાત નામકર્મના પ્રબળ ઉદયના કારણે બીજાને ડરાવે છે. લૂંટે છે. દઢપ્રહારી- ચિલાતીપુત્ર-અર્જુનમાળી વગેરેથી બધા લોકો થરથરતા હતા. આજે પણ દાઉદ, ગવલી, વગેરેનું નામ પડતાં લોકો ધ્રુજે છે. વીરપ્પન જેવા તો સરકારને હંફાવે છે. આવી વ્યક્તિઓનો પરાઘાત નામકર્મનો પ્રબળ ઉદય બીજાને લાભકારક બનતો નથી.
ઘરની મુખ્ય સમજુવ્યક્તિને પરાઘાત નામકર્મનો ઉદય હોય તો ઘરનું વાતાવરણ સુખ - શાંતિભર્યું બને છે. પરસ્પરનો મનમેળ સારો રહી શકે છે.
સમાજના અગ્રણી વ્યક્તિઓ જો સદાચારી હોય અને તેમને પરાઘાત નામકર્મનો ઉદય હોય તો તેઓ સમાજનું સારું ઉત્થાન કરી શકે છે. સારી દિશામાં સમાજને આગળ વધારી શકે છે. - ટૂંકમાં, સજ્જન - સંત - સદાચારી વ્યક્તિઓને આ પરાઘાત નામકર્મનો તીવ્ર ઉદય ઈચ્છવા જેવો છે. તેઓ તેના દ્વારા સર્વત્ર સદાચાર ફેલાવી શકે. તેમના વિચારોની લોકો ઉપર અસર થતી હોવાથી તેઓ બધે સુંદર વાતાવરણ ઊભું કરી શકે, પણ દુષ્ટ માણસોના પરાઘાત નામકર્મના ઉદયથી ખરાબ વાતાવરણ પેદા થતું હોવાથી તેમને પરાઘાત નામકર્મનો ઉદય ઈચ્છવા જેવો નથી.
પરાઘાત નામકર્મના ઉદયવાળી વ્યક્તિની વાતો બધા સ્વીકારવા તૈયાર થતાં હોવાથી આવી વ્યક્તિઓ ધારે તો સમાજને સુંદર પ્રદાન કરી શકે તેમ છે. તેઓ સમાજનું ઉર્વીકરણ કરી શકે છે. આ કર્મના પ્રભાવે જયારે તેમની ખોટી પણ વાતો સ્વીકારવા લોકો તૈયાર હોય ત્યારે તેમની સાચી વાત સ્વીકારવા માટે લોકો તૈયાર કેમ ન થાય? માટે પરાઘાત નામકર્મના પ્રબળ ઉદયવાળી વ્યક્તિઓએ પોતાની આ શક્તિનો શ્રેષ્ઠ ઉપયોગ કરવાનો પ્રયત્ન કરવો જોઈએ. લોકોના કલ્યાણ માટે પૂરતો સમય ફાળવવો જોઈએ. તેઓ નિષ્ક્રિય બનીને બેસી રહે તે ઉચિત નથી.
વળી, પરાઘાત નામકર્મના પ્રબળ ઉદયવાળાએ ડગલે ને પગલે સાવધ રહેવાની જરૂર છે. તેમણે દરેક વાત ખૂબ જ વિચારીને રજૂ કરવી જોઈએ. તેમનું એક પણ પગલું ખોટું ભરાવું ન જોઈએ. જો તેઓ થોડીક પણ ભૂલ કરે તો સમાજ તેમને અનુસરનારો હોવાથી અનેક લોકોમાં તે ભૂલની પરંપરા ચાલુ રહેવાની શક્યતા છે. માટે કોઈપણ નિર્ણય કરતાં પહેલાં તેમણે પાકી ચકાસણી કરી લેવી જોઈએ, જેથી કોઈ નુકશાન થવાની શક્યતા ન રહે.
૬૬ કર્મનું કમ્યુટર ભાગ-૩
